مەملەكەتكە، ۇلتتىق بانككە قارىز بانكتەردىڭ باسقارما مۇشەلەرىنە جانە سونداي بانكتەرمەن بايلانىستى تاراپتارعا ديۆيدەندتەر مەن بونۋستار تولەۋگە تىيىم سالىندى، سونداي-اق مۇنداي بانكتەرگە اكىمشىلىك شىعىستارىن ارتتىرۋعا دا شەكتەۋ قويىلدى، دەپ حابارلايدى Dalanews.kz ق ر قارجى نارىعىن رەتتەۋ جانە دامىتۋ اگەنتتىگىنە سىلتەمە جاساپ.
"سوڭعى ينستانسياداعى زايم (سوڭعى ساتىداعى قارىزدار – ۇلتتىق بانكتەن الىنعان قارىز اقشالار) اقشالارىن پايدالانۋدى شەكتەۋدىڭ ورنىنا باسشى قىزمەتكەرلەرگە ديۆيدەندتەر مەن بونۋستار تولەۋگە، سونداي-اق بانكپەن بايلانىستى تاراپتارعا قارىزدار مەن تولەمدەر بەرۋگە جانە اكىمشىلىك شىعىستاردى ۇلعايتۋعا تىيىم سالىندى"، دەلىنگەن قنردا-نىڭ "بانك سەكتورىنىڭ 2025 جىلعا ارنالعان قاداعالاۋ ساياساتىنىڭ نەگىزگى باسىمدىقتارى" اتتى قۇجاتىندا.
ونداعى اقپاراتقا سايكەس، بانكتەر جۇمىسىنداعى اقاۋلار كەزىندە تولەمگە قابىلەتتى بانكتەردىڭ ورنىقتىلىعى مەن وتىمدىلىگىن قامتاماسىز ەتۋدە سوڭعى ساتىداعى قارىزداردى بەرۋ تەتىگىن جاقسارتۋ ءۇشىن اگەنتتىك پەن ۇلتتىق بانك بىرلەسە قاۋلى قابىلدادى.
سونداي-اق، نارىقتا جوق اكتيۆتەردىڭ ساپاسىن باعالاۋ ءۇشىن تۇراقتى AQR ناتيجەلەرىن پايدالانۋ ءتاسىلى ەنگىزىلەدى، قامتاماسىز ەتۋ رەتىندە قابىلداناتىن اكتيۆتەردىڭ تىزبەسى كەڭەيتىلەدى، بانكتەر ۇسىنۋ ءۇشىن قۇجاتتار تىزبەسى ەداۋىر قىسقارتىلادى، قۇجاتتاردى وتكىزۋ پروسەسى، اتاپ ايتقاندا ەلەكتروندىق تۇردە ۇسىنۋ مۇمكىندىگى جەڭىلدەتىلەدى.
بۇعان دەيىن سايتىمىزدا "وكىرتىپ تابىس تاپسا دا مەملەكەتتەن العان قارىزىن قايتارماي جۇرگەن قاي بانكتەر" دەگەن ماقالا جاريالانعان بولعان.
