Kásipqoi boksshy Dmitrii Bivoldyń burynǵy áieli Ekaterina Bivoldyń málimdemesinen keiin Qyrǵyzstanda el namysyn qorǵaýǵa tórt advokat óz erkimen Reseige barmaq, dep habarlaidy Dalanews.kz.
Aita keteiik, álemge áigili boksshy Dmitrii Bivoldyń eks-jubaiy Ekaterina Bivol áleýmettik jelide túrli ult ókilderin qorlaityn beinejazba jariialap, kóptiń synyna ushyraǵan bolatyn. Qyrǵyzstan Ishki ister ministrligi bul oqiǵaǵa dereý nazar aýdaryp, tergeýge deiingi tekseris bastalǵanyn málimdedi.
Qyrǵyzstandyq advokat Beksýltanovtyń sózinshe, eldiń qylmystyq kodeksiniń 330-baby boiynsha (Násildik, etnikalyq, ulttyq, dini nemese óńiraralyq arazdyqty (alaýyzdyqty) qozdyrý) is qozǵaýǵa bolady.
1. Násildik, etnikalyq, ulttyq, dini nemese óńiraralyq arazdyqty (alaýyzdyqty) qozdyrýǵa, ulttyq qadir-qasietti qorlaýǵa, sondai-aq dinge, ultqa nemese násilge qatysyna qarai azamattardyń ereksheligin, ústemdigin ne tómendigin nasihattaýǵa baǵyttalǵan is-áreketter, eger olar jariia túrde, buqaralyq aqparat quraldaryn paidalana otyryp nemese internet jelisi arqyly jasalsa, -
ailyq eseptik kórsetkishtiń (AEK) 1000-nan 2000-ǵa deiingi mólsherinde aiyppul salýǵa nemese bes jylǵa deiingi merzimge bas bostandyǵynan aiyrýǵa jazalanady.
2. Dál sol is-áreketter, eger olar:
1.ómir men densaýlyqqa qaýipti emes zorlyq-zombylyq qoldaný arqyly nemese ony qoldanamyn dep qorqytý arqyly;
2.óz qyzmet babyn paidalana otyryp;
3.adamdar tobynyń;
4.adamdar tobynyń aldyn ala sóz bailasýy arqyly;
5.uiymdasqan toptyń;
6.qylmystyq qaýymdastyqtyń quramynda jasalsa bes jyldan jeti jylǵa deiingi merzimge bas bostandyǵynan aiyrýǵa jazalanady.
Beksýltanovtan bólek, advokat Shyńǵys Temirbekov, Mahabat Melisovna jáne Janysh Barakov Ekaterina Bivolǵa qarsy qylmystyq iste el namysyn qorǵamaq.
