Keiingi úsh jylda 1,2 millionnan asa adamnyń jalaqysy ósti, dep habarlaidy dalanews.kz.
2022-2025 jyldar aralyǵynda biýdjet salasy qyzmetkerleri men ekonomikanyń birqatar sektoryndaǵy mamandardyń eńbekaqysyn arttyrýǵa baǵyttalǵan sharalar qabyldanǵan. Sonyń nátijesinde jalaqy ósimi 1,2 millionnan asa adamdy qamtydy. Bul týraly Úkimettegi baspasóz máslihatynda ulttyq ekonomika ministriniń birinshi orynbasary Azamat Ámrin málimdedi.
Onyń aitýynsha, áleýmettik saladaǵy 38 myń qyzmetkerdiń jalaqysy orta eseppen 30 paiyzǵa ósken. Sonymen qatar, 600 myń pedagogtiń eńbekaqysy 25 paiyzǵa, meditsina salasyndaǵy 6 myń qyzmetkerdiń jalaqysy 20 paiyzǵa artqan.
Sondai-aq, azamattyq qyzmetshilerdiń keibir sanattaryna jatatyn 600 myńǵa jýyq adamnyń eńbekaqysy orta eseppen 20 paiyzǵa kóbeigen. Budan bólek, "Samuryq-Qazyna" qory quramyndaǵy óndiristik qyzmetkerlerdiń jalaqysyndaǵy aiyrmashylyqty azaitý boiynsha jumystar júrgizilgen.
