كەيٸنگٸ ٷش جىلدا 1,2 ميلليوننان اسا ادامنىڭ جالاقىسى ٶستٸ, دەپ حابارلايدى dalanews.kz.
2022-2025 جىلدار ارالىعىندا بيۋدجەت سالاسى قىزمەتكەرلەرٸ مەن ەكونوميكانىڭ بٸرقاتار سەكتورىنداعى مامانداردىڭ ەڭبەكاقىسىن ارتتىرۋعا باعىتتالعان شارالار قابىلدانعان. سونىڭ نەتيجەسٸندە جالاقى ٶسٸمٸ 1,2 ميلليوننان اسا ادامدى قامتىدى. بۇل تۋرالى ٷكٸمەتتەگٸ باسپاسٶز مەسليحاتىندا ۇلتتىق ەكونوميكا مينيسترٸنٸڭ بٸرٸنشٸ ورىنباسارى ازامات ەمرين مەلٸمدەدٸ.
ونىڭ ايتۋىنشا, ەلەۋمەتتٸك سالاداعى 38 مىڭ قىزمەتكەردٸڭ جالاقىسى ورتا ەسەپپەن 30 پايىزعا ٶسكەن. سونىمەن قاتار, 600 مىڭ پەداگوگتٸڭ ەڭبەكاقىسى 25 پايىزعا, مەديتسينا سالاسىنداعى 6 مىڭ قىزمەتكەردٸڭ جالاقىسى 20 پايىزعا ارتقان.
سونداي-اق, ازاماتتىق قىزمەتشٸلەردٸڭ كەيبٸر ساناتتارىنا جاتاتىن 600 مىڭعا جۋىق ادامنىڭ ەڭبەكاقىسى ورتا ەسەپپەن 20 پايىزعا كٶبەيگەن. بۇدان بٶلەك, "سامۇرىق-قازىنا" قورى قۇرامىنداعى ٶندٸرٸستٸك قىزمەتكەرلەردٸڭ جالاقىسىنداعى ايىرماشىلىقتى ازايتۋ بويىنشا جۇمىستار جٷرگٸزٸلگەن.
