"Monitoringke jatatyn tólemniń tómengi shegin 3-5 myń teńge mólsherinde belgileý jónindegi usynys qoldaý tappady, óitkeni bólshek saýda salasynda bir taýardyń quny osy shekten tómen bolýy múmkin, biraq jalpy taýar ainalymy aitarlyqtai joǵary", – dep túsindirdi Jumanǵarin depýtat saýalyna bergen jaýabynda.
Qazirgi ýaqytta Ulttyq banktiń qaraýynda Qarjy ministrligi basshysynyń kriteriidi tolyqtyrý týraly buiryǵynyń jobasy jatqany da eskertildi, onda bankter salyqtyq baqylaý júrgizý úshin memlekettik kirister organdaryna aqparat beretin bolady: qatarynan úsh kúntizbelik aida 12 ETJ (1 mln teńge) astam kiris mobildi aýdarymdardyń somasy. Qazir kriterii (salyqtyq baqylaý júrgizý úshin kásipkerlik qyzmet belgileri bar operatsiialar anyqtalǵan tulǵalar boiynsha málimetter) bir jeke tulǵanyń qatarynan úsh kúntizbelik aidyń árqaisysy ishinde 100 jáne odan da kóp ártúrli tulǵalardan kásipkerlik qyzmetti júzege asyrýǵa arnalmaǵan bank shotyna aqsha qarajatyn alýy bolyp tabylady.
Buǵan deiin elimizde ekinshi ai qatarynan iskerlik belsendilik kúrt baiaýlaǵanyn jazǵanbyz.
