Túrkistanda Ulttyq biryńǵai testileýge daiyndalýǵa arnalǵan respýblikalyq «Daryn.online» bilim berý platformasynyń tanystyrylymy ótti. Oblystyq Jastar resýrstyq ortalyǵy basshysynyń orynbasary Perdebek Esqulov joǵary synyp oqýshylaryna platformanyń tiimdiligi men qoljetimdiligi men bilim berý salasyndaǵy jańa múmkindikter týraly aitty, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Kezdesýge arnaiy qatysqan halyqaralyq «Daryn.online» kompaniiasynyń bólim basshysy Báidibek Qýatbai platforma týraly jan-jaqty aqparat berdi. «Daryn.online – Qazaqstandaǵy bilim alýǵa degen suranysty tolyǵymen qamtityn biregei platforma. Bizdiń maqsatymyz – oqýshylardyń bilim alý úderisin barynsha jeńildetip, sapaly ári qoljetimdi oqý resýrstaryn usyný. Túrkistan oblysyndaǵy jastardyń bilimge degen umtylysy erekshe, sol sebepti osyndai kezdesýlerdiń mańyzy zor» dedi ol.
Kezdesý barysynda oqýshylar men ata-analarǵa platformanyń múmkindikteri, fýnktsionaldary men UBT-ǵa daiyndyqqa arnalǵan kýrstary tanystyryldy. Sonymen qatar Túrkistan oblysynyń 17 aýdan, qalasynan kelgen 50 oqýshyǵa «Daryn.online» platformasyna tegin tirkelý múmkindigi usynyldy. Qatysýshylar ózderin qyzyqtyrǵan suraqtarǵa jaýap alyp, bilim berý júiesindegi jańa tsifrlyq tehnologiialarmen jaqynyraq tanysty.Odan bólek, uiymdastyrýshylar erekshe motivatsiia retinde 130 baldan joǵary nátije kórsetken oqýshylarǵa Dýbaiǵa joldama beriletinin jariialady. Bul bastama oqýshylardyń yntasyn arttyryp, joǵary nátijege jetýge úlken serpin bermek.
Aita keteiik, «Daryn.online» platformasy – bilim alýshylardyń bilim deńgeiin kóterýge baǵyttalǵan zamanaýi qural. Bul bastama Túrkistan jastary úshin sapaly bilimge qol jetkizýge jańa jol ashyp otyr. Túrkistan oblysy qoǵamdyq damý basqarmasy «Jastar resýrstyq ortalyǵy» KMM-niń uiymdastyrýmen ótken is-sharanyń maqsaty – óńir jastaryn sapaly bilim resýrstarymen qamtamasyz etip, UBT-ǵa tiimdi daiyndyq júrgizýge múmkindik berý.
