– Múgedektigi bar adamdardyń quqyqtaryn qamtamasyz etý jáne turmys sapasyn jaqsartý jónindegi 2025 jylǵa deiin Ulttyq jospar sheńberinde 2021 jylǵy 1 qańtardan bastap «Qoljetimdi orta portaly» engizilgen. Onda ǵimarattarǵa kedergisiz qoljetimdilikti qamtamasyz etýge jaýapty aýdandyq, qalalyq atqarýshy organdar áleýmettik jáne kólik infraqurylymy obektilerin pasporttaý jáne beiimdeý týraly aqparatty turaqty negizde endiredi. Búgingi tańda júiege 3 287 nysannyń derekteri engizilgen, – dedi Madina Ahmetqyzy.
Sondai-aq, brifingke qatysqan Eńbek, áleýmettik qorǵaý jáne kóshi-qon komitetiniń Túrkistan oblysy boiynsha departamentiniń basshysy Rýslan Tuńǵyshbaev múmkindigi shekteýli azamattardyń áleýmettik jáne kólik infraqurylymy obektilerine qol jetkizýin qamtamasyz etilýine bailanysty 77 nysanǵa profilaktikalyq baqylaý pen jospardan tys tekserýler júrgizilgendigin aitty.
– Nátijesinde, barlyq tekserý qorytyndysymen kemshilikterdi joiý týraly jalpy 67 nusqama berilip, QR «Ákimshilik quqyq buzýshylyq týraly» Kodeksine sáikes aiyppul salyndy. Eseptilik kezeńde jalpy 432 zańbuzýshylyq anyqtaldy. Onyń ishinde: 416-y múgedekterdi áleýmettik qorǵaý týraly zańnamasyn buzý boiynsha, 9-y arnaýly áleýmettik qyzmetter kórsetý zańnamasynyń talaptaryn saqtamaǵandyqtan, – dedi Rýslan Káribaiuly.
Departament basshysynyń aitýynsha, múmkindigi shekteýli azamattarǵa negizinen beiimdeý jumystary tek qana kreslo-arbadaǵy azamattarǵa arnalǵan pandýstardy ornatýymen shektelgen. Odan bólek, arnaiy belgiler, avtoturaqtar, taktildi jolaqtar, Brail árpimen basylǵan jarnamalardy ornatý, eki jáne odan da joǵary qabattaǵy ǵimarattardyń 1-qabattarynda múmkindigi shekteýli azamattardy qabyldaityn beiimdelgen arnaiy bólmelermen jáne beiimdelgen ájethanalarmen qamtamasyz etý jumystary tolyqqandy júrgizilmegen.
