– مۇگەدەكتىگى بار ادامداردىڭ قۇقىقتارىن قامتاماسىز ەتۋ جانە تۇرمىس ساپاسىن جاقسارتۋ جونىندەگى 2025 جىلعا دەيىن ۇلتتىق جوسپار شەڭبەرىندە 2021 جىلعى 1 قاڭتاردان باستاپ «قولجەتىمدى ورتا پورتالى» ەنگىزىلگەن. وندا عيماراتتارعا كەدەرگىسىز قولجەتىمدىلىكتى قامتاماسىز ەتۋگە جاۋاپتى اۋداندىق، قالالىق اتقارۋشى ورگاندار الەۋمەتتىك جانە كولىك ينفراقۇرىلىمى وبەكتىلەرىن پاسپورتتاۋ جانە بەيىمدەۋ تۋرالى اقپاراتتى تۇراقتى نەگىزدە ەندىرەدى. بۇگىنگى تاڭدا جۇيەگە 3 287 نىساننىڭ دەرەكتەرى ەنگىزىلگەن، – دەدى مادينا احمەت قىزى.
سونداي-اق، بريفينگكە قاتىسقان ەڭبەك، الەۋمەتتىك قورعاۋ جانە كوشى-قون كوميتەتىنىڭ تۇركىستان وبلىسى بويىنشا دەپارتامەنتىنىڭ باسشىسى رۋسلان تۇڭعىشبايەۆ مۇمكىندىگى شەكتەۋلى ازاماتتاردىڭ الەۋمەتتىك جانە كولىك ينفراقۇرىلىمى وبەكتىلەرىنە قول جەتكىزۋىن قامتاماسىز ەتىلۋىنە بايلانىستى 77 نىسانعا پروفيلاكتيكالىق باقىلاۋ پەن جوسپاردان تىس تەكسەرۋلەر جۇرگىزىلگەندىگىن ايتتى.
– ناتيجەسىندە، بارلىق تەكسەرۋ قورىتىندىسىمەن كەمشىلىكتەردى جويۋ تۋرالى جالپى 67 نۇسقاما بەرىلىپ، ق ر «اكىمشىلىك قۇقىق بۇزۋشىلىق تۋرالى» كودەكسىنە سايكەس ايىپپۇل سالىندى. ەسەپتىلىك كەزەڭدە جالپى 432 زاڭبۇزۋشىلىق انىقتالدى. ونىڭ ىشىندە: 416-ى مۇگەدەكتەردى الەۋمەتتىك قورعاۋ تۋرالى زاڭناماسىن بۇزۋ بويىنشا، 9-ى ارناۋلى الەۋمەتتىك قىزمەتتەر كورسەتۋ زاڭناماسىنىڭ تالاپتارىن ساقتاماعاندىقتان، – دەدى رۋسلان كارىباي ۇلى.
دەپارتامەنت باسشىسىنىڭ ايتۋىنشا، مۇمكىندىگى شەكتەۋلى ازاماتتارعا نەگىزىنەن بەيىمدەۋ جۇمىستارى تەك قانا كرەسلو-ارباداعى ازاماتتارعا ارنالعان پاندۋستاردى ورناتۋىمەن شەكتەلگەن. ودان بولەك، ارنايى بەلگىلەر، اۆتوتۇراقتار، تاكتيلدى جولاقتار، برايل ارپىمەن باسىلعان جارنامالاردى ورناتۋ، ەكى جانە ودان دا جوعارى قاباتتاعى عيماراتتاردىڭ 1-قاباتتارىندا مۇمكىندىگى شەكتەۋلى ازاماتتاردى قابىلدايتىن بەيىمدەلگەن ارنايى بولمەلەرمەن جانە بەيىمدەلگەن اجەتحانالارمەن قامتاماسىز ەتۋ جۇمىستارى تولىققاندى جۇرگىزىلمەگەن.
