Túrkistan oblysynda alǵashqy qaýyn-qarbyz ónimderi jinala bastady. Jetisai aýdanynyń diqandary erte kóktemde ekken baqsha daqyldarynyń alǵashqy jemisin jinap, ónimderin ishki naryq jáne Reseige jóneltýde,- dep habarlaidy Dalanews.kz
Qazir 100 tonnadai qaýyn eksportqa shyǵaryldy. Sharýalar ár gektardan orta eseppen 400 tsentnerge deiin ónim alýdy kózdep otyr.
Al Keles aýdanynda qarbyz maýsymy qarqyndy bastaldy. Eginshiler sýarmaly alqaptarǵa ekken ónimin erte jinady. Qarbyzdyń salmaǵy 15 kelige deiin jetip, kelisi 200 teńgeden satylyp jatyr.
"Sýarý maýsymy bastalǵaly beri elimizdiń ońtústik óńirlerindegi «Qazsýshar» filialdary diqandarǵa 2,5 mlrd tekshe metrden astam sý berdi. Túrkistan oblysyna 1,3 mlrd tekshe metr sý berilip, 276 myń gektar jer sýaryldy. Jetisai aýdanynda 84,3 myń gektar egis alqabyn sýarýǵa 304 mln tekshe metr sý jiberildi. Onyń 97,5 mln tekshe metri 13 384 gektar baqsha jáne kókónis alqaptaryn sýarýǵa jumsaldy", - delingen Sý resýrstary jáne irrigatsiia ministrliginiń habarlamasynda.
