Elimizde jastar arasyndaǵy jumyssyzdyqtyń deńgeii 3,1%-dy qurasa, eń tómengi kórsetkishterdiń biri Túrkistan oblysyna tiesili. Túrkistan oblysynda jastar sany 671 myńnan asady. Olardyń 500 myńnan astamy aýylda turady. Oblys kóleminde memlekettik jastar saiasatyn júzege asyrý maqsatynda 6 myńnan astam mańyzdy is-shara ótkizilgen. Nátijesinde ótken jyly 8 myńǵa jýyq jas turaqty jumysqa turdy. Biyl da bul baǵyttaǵy jumystarǵa basymdyq berilmek,- dep habarlaidy Dalanews.kz
Óńirde NEET sanatyndaǵy jastardyń úlesi ótken jyldyń qorytyndysymen salystyrǵanda 6,4%-ǵa tómen. Bul kórsetkishti 2025 jyly 30%-ǵa tómendetý kózdelip otyr. NEET – bul 16-24 jas aralyǵyndaǵy jumys jáne oqý orny joq jastar. Olardyń úlesin azaitý maqsatynda 13 memlekettik baǵdarlamany qamtityn jol kartasy ázirlengen. Óńirde NEET jastarynyń derekter bazasy qurylyp, olardyń máselesin sheshý joldary qarastyryldy.
Sondai-aq, óńirde «Otbasynyń tsifrlyq kartasy» jobasy iske qosyldy. Oblysta jastardy jumyspen qamtý jáne oqytý sharalary belsendi júrgizilip jatyr. «Serpin-2050» jobasy boiynsha elimizdiń Soltústik óńirlerdegi 17 joǵary oqý oryndaryna 2024 jyly 802 túlek grantqa túsken. Túrkistan oblystyq politsiia departamentiniń málimetine sáikes, kámelet jasyna tolmaǵan jastar arasyndaǵy oryn alǵan qylmystar ótken jylmen salystyrǵanda 10 oqiǵaǵa azaiǵan.
Oblystyń bilim berý uiymdarynda arnaiy balalarǵa qatysty túrli jaǵdailardyń aldyn alý maqsatynda 1 143 mektepke «111-QR» senim kodtary ornatylǵan. Oblys boiynsha 127 volonterlik uiym jáne volonterlik 36 jeli front-ofisteri jumys isteidi. Qazvolunteer.kz ulttyq volonterlik uiymyna 17 myńnan astam belsendi jas múshe.
