Almatyda politsiia 29 maýsym men 1 shilde aralyǵynda "Elektrsamokattar jáne elektrmopedter" atty jedel profilaktikalyq is-shara ótkizip jatyr. Reid 1 shildeden bastap kúshine enetin jańa talaptarǵa bailanysty uiymdastyrylǵan, dep habarlaidy dalanews.kz.
Politsiianyń málimetinshe, sharanyń negizgi maqsaty - jol apatynyń aldyn alý, jol qozǵalysy erejeleri saqtalýyn baqylaý jáne azamattardyń quqyqtyq mádenietin arttyrý.
Reid kezinde jolaýshy tasymaldaý, qaýipti manevr jasaý, baǵdarshamnyń qyzyl túsine ótý, joldy kesip ótý qaǵidalaryn buzý, sondai-aq, elektrsamokattardy retsiz tastaý derekterine erekshe nazar aýdarylady.
1 shildeden bastap elektrsamokattarǵa qatysty jańa talaptar kúshine enedi. Endi olardy paidalaný úshin memlekettik tirkeý nómiri, tehnikalyq pasport jáne saqtandyrý qajet. Elektrsamokatty tek júrgizýshi kýáligi bar kámeletke tolǵan azamattar basqara alady.
Sondai-aq, elektrsamokatpen trotýarda jáne jaiaý júrginshiler jolynda júrýge tyiym salynady. Jańa talaptardy buzǵandarǵa ákimshilik jaýapkershilik qarastyrylǵan.
