Iran prezidenti Masýd Pezeshkian AQSh kelisim sharttaryn oryndaǵan jaǵdaida, Tegeran da óz mindettemelerin tolyq oryndaitynyn málimdedi, dep habarlaidy dalanews.kz.
Pezeshkian bul týraly H áleýmettik jelisindegi paraqshasynda jazdy.
«Ózara túsinistik – ekijaqty úderis. Eger amerikalyq tarap kelisimdi saqtasa, biz de óz mindettemelerimizdi oryndaimyz», – dedi Iran prezidenti.
Sonymen qatar, ol Tegerannyń qaýip-qaterlerge qatysty ustanymy aqylǵa qonymdy sheshim qabyldaýǵa jáne adam qadir-qasietin qurmetteýge negizdeletinin aitty.
«Al naqty is-qimylǵa kelgende, biz elimizdiń qaýipsizdigin sózsiz qorǵaimyz», – dep atap ótti Masýd Pezeshkian.
