Túrkistan oblysy aýmaǵyndaǵy  avtomobıl joldarynyń jaqsy jáne qanaǵatty jaǵdaıdaǵy úlesi qazirgi tańda 79%-dy quraıdy. Jyl sońyna deıin bul kórsetkishti 87%-ǵa jetkizý kózdelýde. Jospar boıynsha jol jóndeý jumystary  kezeń-kezeńimen júrgizilip,  2025 jylǵa deıin sapaly jol úlesi 99,5%-ǵa jetetin bolady. Bul týraly brıfıńte oblystyq jolaýshylar kóligi jáne avtomobıl joldary basqarmasynyń basshysy Rolan Ibragımov málimdedi, – dep habarlaıdy Dalanews.kz Túrkistan oblysynyń Óńirlik komýnıkasıalar qyzmetine silteme jasap.

«Nur Otan» partıasynyń XVIII sezindegi 2025 jylǵa deıin jergilikti joldardyń 95%-n retke keltirý tapsyrmasyna sáıkes, Túrkistan oblysynda 2021 jyly avtomobıl joldary salasyn damytý maqsatynda qurylys-jóndeý jumystarymen 1 664,7 shaqyrym jol men kóshelerdi qamtý josparlansa, bıyl 1 149,9 shaqyrymy paıdalanýǵa beriledi.



«Oblystyq mańyzy bar avtomobıl joldarynyń boıynda – 410 kópir ornalasqan. Atalǵan kópirlerdiń 378-i jaqsy jáne qanaǵatty jaǵdaıda bolsa, 35 kópir (20 kúrdeli, 15 ortasha) jóndeýdi qajet etedi. Bıyl olardyń 3-n kúrdeli jóndeýden ótkizýge qarjysy qaralyp, 2 kópirdiń jóndeý jumystary aıaqtalyp, paıdalanýǵa berildi. Al 1 kópir qyrkúıek aıynda paıdalanýǵa beriledi. Kúrdeli jóndeýdi qajet etetin qosymsha 6 kópirdiń JSQ ázirleýge qarjy qaralyp, memlekettik satyp alý jumystary júrgizilýde», - dedi Rolan Bekmaǵambetuly.