«Nur Otan» پارتياسىنىڭ XVIII سەزىندەگى 2025 جىلعا دەيىن جەرگىلىكتى جولداردىڭ 95%-ن رەتكە كەلتىرۋ تاپسىرماسىنا سايكەس، تۇركىستان وبلىسىندا 2021 جىلى اۆتوموبيل جولدارى سالاسىن دامىتۋ ماقساتىندا قۇرىلىس-جوندەۋ جۇمىستارىمەن 1 664،7 شاقىرىم جول مەن كوشەلەردى قامتۋ جوسپارلانسا، بيىل 1 149،9 شاقىرىمى پايدالانۋعا بەرىلەدى.
«وبلىستىق ماڭىزى بار اۆتوموبيل جولدارىنىڭ بويىندا – 410 كوپىر ورنالاسقان. اتالعان كوپىرلەردىڭ 378ء-ى جاقسى جانە قاناعاتتى جاعدايدا بولسا، 35 كوپىر (20 كۇردەلى، 15 ورتاشا) جوندەۋدى قاجەت ەتەدى. بيىل ولاردىڭ 3-ن كۇردەلى جوندەۋدەن وتكىزۋگە قارجىسى قارالىپ، 2 كوپىردىڭ جوندەۋ جۇمىستارى اياقتالىپ، پايدالانۋعا بەرىلدى. ال 1 كوپىر قىركۇيەك ايىندا پايدالانۋعا بەرىلەدى. كۇردەلى جوندەۋدى قاجەت ەتەتىن قوسىمشا 6 كوپىردىڭ جسق ازىرلەۋگە قارجى قارالىپ، مەملەكەتتىك ساتىپ الۋ جۇمىستارى جۇرگىزىلۋدە»، - دەدى رولان بەكماعامبەت ۇلى.
