Túrkistan oblysy «Úzdik oqyrmanyn» anyqtamaq
Bul týraly Óńirlik kommýnikatsiialar qyzmetinde ótken baspasóz konferentsiiasynda oblystyq jobalyq keńse jetekshisi Baqytjan Áshirbekov málim etti. Mektep kitaphanalarynyń arasynda qolǵa alynǵan jańa joba elimizdiń basqa aimaqtarynda júzege asyrylmaǵan. Lider Reader ON» – degen sóz «Úzdik oqyrman» degen maǵyna beredi.
«Lider Reader ON» keshendi is-sharasynyń erejesi boiynsha oblys mektepteriniń bárinde aidyń, toqsannyń, jyldyń 13 úzdik oqyrmany anyqtalyp, marapattalyp otyrylady. Sondyqtan, bul is-sharaǵa oblystaǵy 1 myńnan astam mekteptiń 13 myńnan kóp oqýshysy júieli túrde qatysyp, kitap oqý boiynsha jarysqa túsetin bolady. Bul óz kezeginde olardyń kitaptar oqyp, rýhani qazynamen sýsyndap, otansúigish azamat bolyp qalyptasýyna igi yqpalyn tigizedi.
Ár janr boiynsha úzdik oqýshylar Instagram jáne Facebook áleýmettik jelilerinde daýys jinaý arqyly anyqtalyp, ár aidyń jeńimpazdary baǵaly syilyqtarmen marapattalady. Baqytjan Aidarhanulynyń aitýynsha, úzdik oqyrman oqýshylar anyqtalǵan jaǵdaida olardyń ata-analary da nazardan tys qalmaidy. Olarǵa yntalandyrý syi-siiapattary jasalyp, balanyń rýhani bai bolyp, damýyna ata-analardyń da qyzyǵýshylyǵyn oiatý jaiy qaralǵan.
Sonymen birge, baspasóz jiynynda «Jańa gýmanitarlyq bilim. Qazaq tilindegi 100 jańa oqýlyq» jobasy aiasynda biyl filosofiia, áleýmettaný, psihologiia, ekonomika, menedjment, dintaný, lingvistika, mádeniettaný, antropologiia, jýrnalistika salalary boiynsha JOO stýdentterine arnalǵan 18 oqýlyq aýdarylǵany habarlandy. Bul oqý quraldary josparǵa sai, qazaq tiline aýdarylyp, JOO-na tegin jetkizilgen. Jańa oqýlyqtar 2018-2019 oqý jylynan bastap joǵary bilim berý júiesine enedi eken. Qazirgi ýaqytta kelesi 30 kitaptyń aýdarma jumysy jalǵasyp jatsa kerek.
– Bul oqýlyqtar JOO stýdentterine arnalǵan. Satylymda joq. Alǵashqy 18 oqýlyq 10 myń dana bolyp basylyp, 110 joǵary oqý ornyna tegin taratyldy. Onyń ishinde, Túrkistan oblysyna 16000 dana kitap berilgen. Qazir oqytýshylar men professorlar, sala mamandary jańa kitaptardy 2018-2019 oqý jylynyń baǵdarlamasyna engizýge arnalǵan ádisteme daiyndap jatyr. Sonymen qatar, oqýlyqtardyń elektrondy nusqasy ázirlenip, ol Qazaqstannyń ashyq ýniversiteti – openU.kz platformasyna júkteldi. Kópshilik osy jerden oqi alady. Sondai-aq ár kitap negizinde jeke-jeke 20 minýttyq videolektsiialar toptamasy túsirilip jatyr, – dedi B.Áshirbekov.
Osy rette, spiker jýyrda oblystyq jobalyq keńsesi jáne M.Áýezov atyndaǵy OQMÝ-niń uiymdastyrýymen aýdarylǵan 18 oqýlyqty tanystyrý sharasy ótkenin de habarlap ótti. Basqosý barysynda ǵalym, oqytýshylar oqýlyqtarǵa qatysty óz pikirlerin bildirip, atalmysh eńbekterdi dáris berýde qoldaný jaiyn da keńesken.
Túrkistan oblysy ákiminiń baspasóz qyzmeti
