AQSh prezidenti Donald Tramp Resei prezidenti Vladimir Pýtinmen Saýd Arabiiasynda kezdesetini týraly aqparat tarady, - dep habarlaidy Dalanews.kz «Azattyqqa» siltep.
«Birinshi kezdesýdiń kúni áli belgilengen joq, biraq bul óte uzaqqa sozylmaidy», – dedi Tramp jýrnalisterge Aq úidegi jumys kabinetinde.
Tramptyń sózine qaraǵanda, keiin ol Reseige, al Pýtin AQSh-qa barýy múmkin. AQSh prezidenti Ýkrainaǵa sapar týraly «bul týraly oilaityn edim» dedi. Aitýynsha, ózi de, Pýtin men Ýkraina prezidenti Vladimir Zelenskii de beibitshilikti qalaidy.
Brifing aldynda Tramp Pýtinmen Ýkrainadaǵy qaqtyǵysty retteý jaily sóilesken. Resei prezidentiniń baspasóz hatshysy Dmitrii Peskovtyń aitýynsha, áńgime bir jarym saǵatqa sozylǵan.
Keiin Tramp Zelenskiige qońyraý shalǵan. Tramp eki áńgimeni de «tamasha» dep baǵalaǵan.
Aita keteiik, buǵan deiin HAMAS pen Izraildi kelisimge keltirgen Tramptyń ókili Máskeýge jetkeni aityldy.
11 aqpanda AQSh prezidenti Donald Tramptyń Taiaý Shyǵystaǵy arnaiy ókili Stiv Ýitkofftyń ushaǵy Máskeýge qondy degen aqparat tarady.
Resei Federatsiiasy prezidentiniń baspasóz hatshysy Dmitrii Peskov Kremlde Stiv Ýitkofftyń Máskeýge kelgeni týraly aqparat joq ekenin málimdedi.
«Bizde eshqandai aqparat joq, kezdesý josparlanbaǵan», - dedi Peskov jýrnalisterge buǵan deiin.
