- Sońǵy ýaqytta jer sheteldikterge satylady nemese sheteldiń 55 eski zaýyty kóshiriledi, myńdaǵan sheteldik jumysshylar tartylady degen qaýeset tarady. Bizdiń halyq mundaı nárselerge aldanyp qalmaýy kerek. Mundaı qaýesetter eldiń patrıottyq kóńil-kúılerin sheber basqaratyn, sonymen qatar emosıonaldy, úreıli adamdardy ózderiniń naqty maqsattaryna jetý úshin paıdalanatyn zulym adamdardan shyǵady, - dedi ol.
Prezıdent "biz jerdi eshkimge bermeımiz" dep taǵy bir márte qaıtalady.
- Mundaı aıla-sharǵylardyń geosaıasattyń bir bóligi ekenin túsiný kerek, onyń maqsaty halyqtyń birligin buzý, Qazaqstandaǵy jaǵdaıdy turaqsyzdandyrý bolyp tabylady. Bizdiń halqymyz dana, óz aqylymen ómir súre alady. Bıliktiń mindeti qoǵammen sóılesý, memlekettik saıasattyń maqsattary men mindetterin túsindirý - osy jumysty biz únemi nashar júrgizemiz. Ortaq pikirler men usynystardy tyńdap, qurmetteý kerek. Men taǵy da biz jerdi eshkimge bermeımiz, jáne biz árqashan halyqtyń tyńdaımyz dep qaıtalaımyn, - dep sendirdi Toqaev.
Sondaı-aq, Qasym-Jomart Toqaev elde masyldyqqa jol berilmeıtinin jetkizdi.
Qazaqstan – prezıdenttik basqarý formasy bar memleket bolyp qala berýi kerek dep oılaımyn, biraq Parlament saıası júıede óziniń laıyqty ornyn alýy kerek.
Saıası básekelestikke serpin berip, azamattardyń eldiń saıası ómirine naqty qatysýyn keńeıtetin jáne kóppartıaly júıeniń damýyna yqpal etetin kez keldi.
Memleket óz azamattaryn tyńdaýǵa mindetti, bastysy – halyqtyń únin estýi kerek. Memlekettiń áleýmettik saıasatyn qalpyna keltirý kerek. Ulttyq ekonomıka barlyq azamattarymyzdyń ál-aýqatyn naqty arttyrý úshin jumys isteýi tıis.
Masyldyq pıǵyldyń oryn alýyna jol berilmeıdi. Ókinishke qaraı, bul kesel ulttyq minez-qulqymyzǵa keri áserin tıgizýde.
Búkil qoǵam bolyp jurtshylyqty eńbekke baýlýǵa tıispiz. Tabysty jumys istegeni úshin azamattardy qarjylaı yntalandyrý kerek. Bul – memlekettiń mindeti.
