- سوڭعى ۋاقىتتا جەر شەتەلدىكتەرگە ساتىلادى نەمەسە شەتەلدىڭ 55 ەسكى زاۋىتى كوشىرىلەدى، مىڭداعان شەتەلدىك جۇمىسشىلار تارتىلادى دەگەن قاۋەسەت تارادى. ءبىزدىڭ حالىق مۇنداي نارسەلەرگە الدانىپ قالماۋى كەرەك. مۇنداي قاۋەسەتتەر ەلدىڭ پاتريوتتىق كوڭىل-كۇيلەرىن شەبەر باسقاراتىن، سونىمەن قاتار ەموسيونالدى، ۇرەيلى ادامداردى وزدەرىنىڭ ناقتى ماقساتتارىنا جەتۋ ءۇشىن پايدالاناتىن زۇلىم ادامداردان شىعادى، - دەدى ول.

- مۇنداي ايلا-شارعىلاردىڭ گەوساياساتتىڭ ءبىر بولىگى ەكەنىن ءتۇسىنۋ كەرەك، ونىڭ ماقساتى حالىقتىڭ بىرلىگىن بۇزۋ، قازاقستانداعى جاعدايدى تۇراقسىزداندىرۋ بولىپ تابىلادى. ءبىزدىڭ حالقىمىز دانا، ءوز اقىلىمەن ءومىر سۇرە الادى. بيلىكتىڭ مىندەتى قوعاممەن سويلەسۋ، مەملەكەتتىك ساياساتتىڭ ماقساتتارى مەن مىندەتتەرىن ءتۇسىندىرۋ - وسى جۇمىستى ءبىز ۇنەمى ناشار جۇرگىزەمىز. ورتاق پىكىرلەر مەن ۇسىنىستاردى تىڭداپ، قۇرمەتتەۋ كەرەك. مەن تاعى دا ءبىز جەردى ەشكىمگە بەرمەيمىز، جانە ءبىز ءارقاشان حالىقتىڭ تىڭدايمىز دەپ قايتالايمىن، - دەپ سەندىردى توقايەۆ.

قازاقستان – پرەزيدەنتتىك باسقارۋ فورماسى بار مەملەكەت بولىپ قالا بەرۋى كەرەك دەپ ويلايمىن، ءبىراق پارلامەنت ساياسي جۇيەدە ءوزىنىڭ لايىقتى ورنىن الۋى كەرەك.

ساياسي باسەكەلەستىككە سەرپىن بەرىپ، ازاماتتاردىڭ ەلدىڭ ساياسي ومىرىنە ناقتى قاتىسۋىن كەڭەيتەتىن جانە كوپپارتيالى جۇيەنىڭ دامۋىنا ىقپال ەتەتىن كەز كەلدى.

مەملەكەت ءوز ازاماتتارىن تىڭداۋعا مىندەتتى، باستىسى – حالىقتىڭ ءۇنىن ەستۋى كەرەك. مەملەكەتتىڭ الەۋمەتتىك ساياساتىن قالپىنا كەلتىرۋ كەرەك. ۇلتتىق ەكونوميكا بارلىق ازاماتتارىمىزدىڭ ءال-اۋقاتىن ناقتى ارتتىرۋ ءۇشىن جۇمىس ىستەۋى ءتيىس.

ماسىلدىق پيعىلدىڭ ورىن الۋىنا جول بەرىلمەيدى. وكىنىشكە قاراي، بۇل كەسەل ۇلتتىق مىنەز-قۇلقىمىزعا كەرى اسەرىن تيگىزۋدە.

بۇكىل قوعام بولىپ جۇرتشىلىقتى ەڭبەككە باۋلۋعا ءتيىسپىز. تابىستى جۇمىس ىستەگەنى ءۇشىن ازاماتتاردى قارجىلاي ىنتالاندىرۋ كەرەك. بۇل – مەملەكەتتىڭ مىندەتى.