– Jańa bir habarlandyrý kórdim. Jumysqa turý úshin orys tilinde erkin sóilep, jaza bilýiń kerek eken. Qarap otyryp qorlanasyń, – deidi jýrnalist.
Biraq qorlanǵanyńdy aityp, qarsy sóz aitsań bolǵany bálege qalasyń.
Ábdihalyqulynyń aitýynsha, tildik quqyńnyń kún saiyn ár jerde taptalyp jatqanyn aita bastasań, bári murnyn tyrjitady. Seni eshkim tyńdaǵysy kelmeidi.
– Resmi oryndardyń eki tilde sóileitin jurtqa eki túrli qatynas ustanatyny anyq kórinip turady. Qazaqsha sóileseń olar saǵan júre jaýap beredi. Tipti keide seniń saýalyńa, usynysyńa jaýap berýdi qajet dep esepemeidi.
Óitkeni, qazaq daýkes, jaqsylyqty bilmeidi, bir nárseni saraptap ornyqty oi aita almaidy
Qashan kórseń, ult, til degen ulttyq taqyryptardy ǵana aityp qaqsai beredi dep oilaidy. Tildiń qorlyǵynan qashan qutylady ekenbiz... Bul bir arman boldy. Bir til - bir memleket bolmai eshteńe kógermeidi, qalǵany bos áńgime, – deidi jýrnalist.
Derekkóz: kaz.365info.kz
