– جاڭا ءبىر حابارلاندىرۋ كوردىم. جۇمىسقا تۇرۋ ءۇشىن ورىس تىلىندە ەركىن سويلەپ، جازا ءبىلۋىڭ كەرەك ەكەن. قاراپ وتىرىپ قورلاناسىڭ، – دەيدى جۋرناليست.
ءبىراق قورلانعانىڭدى ايتىپ، قارسى ءسوز ايتساڭ بولعانى بالەگە قالاسىڭ.
ءابدىحالىق ۇلىنىڭ ايتۋىنشا، تىلدىك قۇقىڭنىڭ كۇن سايىن ءار جەردە تاپتالىپ جاتقانىن ايتا باستاساڭ، ءبارى مۇرنىن تىرجيتادى. سەنى ەشكىم تىڭداعىسى كەلمەيدى.
– رەسمي ورىنداردىڭ ەكى تىلدە سويلەيتىن جۇرتقا ەكى ءتۇرلى قاتىناس ۇستاناتىنى انىق كورىنىپ تۇرادى. قازاقشا سويلەسەڭ ولار ساعان جۇرە جاۋاپ بەرەدى. ءتىپتى كەيدە سەنىڭ ساۋالىڭا، ۇسىنىسىڭا جاۋاپ بەرۋدى قاجەت دەپ ەسەپەمەيدى.
ويتكەنى، قازاق داۋكەس، جاقسىلىقتى بىلمەيدى، ءبىر نارسەنى ساراپتاپ ورنىقتى وي ايتا المايدى
قاشان كورسەڭ، ۇلت، ءتىل دەگەن ۇلتتىق تاقىرىپتاردى عانا ايتىپ قاقساي بەرەدى دەپ ويلايدى. ءتىلدىڭ قورلىعىنان قاشان قۇتىلادى ەكەنبىز... بۇل ءبىر ارمان بولدى. ءبىر ءتىل - ءبىر مەملەكەت بولماي ەشتەڭە كوگەرمەيدى، قالعانى بوس اڭگىمە، – دەيدى جۋرناليست.
دەرەككوز: kaz.365info.kz
