Taiaý Shyǵystaǵy shielenis teńgeni álsiretip, dollar baǵamyn kúsheitti. Al investorlar "Irannyń zymyran soqqysyna Izrail jaýap qaiyrady" dep dolbarlap, abyr-sabyr, dep jazady Dalanews.kz.
Bul derekter 3 qazanda Qazaqstan qarjygerler qaýymdastyǵy sarapshylarynyń álemdik naryqtarǵa jasaǵan sholýynda qamtylǵan. Sonymen:
AQSh dollar baǵamy
Taiaý Shyǵysta geosaiasi jaǵdai shielenise túsken sátte álemdik naryqtardaǵy baǵalar aitarlyqtai ósti. Sársenbide qor birjasyndaǵy saýda-sattyq qorytyndysy boiynsha bir dollar quny 483,21 teńgeni (+2,86 teńge) qurady. Degenmen sheteldik valiýta saýda-sattyǵynyń kólemi ósken kúiinde qalyp otyr: 250,9 mln dollar (-3,8 mln).
Demek, "Taiaý Shyǵystaǵy shielenis odan ári órshidi" degen boljamǵa súiengen birqatar oiynshylar dollardy kóptep satyp alǵan bolý múmkin. Dollar indeksi seisenbide 0,41% - ǵa ósse, sársenbide taǵy 0,48% - ǵa óskeni buǵan dálel bola alsa kerek. Iaǵni, dollar baǵamynyń ósimi jahandyq sipatqa ie.
Aqsha naryǵy
Sársenbide aqsha naryǵynyń stavkalary ulttyq valiýta baǵamynyń qubylmaly bolýyna bailanysty ósti: TONIA - 13,28%-ǵa (+5 b.p.), al SWAP-1D 8,65%-ǵa (+81 b.p.) deiin ósti. Onyń ústine saýda-sattyq kólemi seisenbi kúngi kórsetkishpen salystyrǵanda aitarlyqtai óskeni baiqalady: 750,0 mlrd teńge (+103 mlrd). Degenmen, Ulttyq Bank depozittik aýktsion arqyly qysqa merzimdi ótimdiliktegi aqshadan 410 mlrd teńgeni alyp qoidy (suranystyń 100%, jyldyq syiaqy mólsherlemesi - 14,25% - ben).
Qor naryǵy
Sársenbidegi saýda-sattyq qorytyndysy boiynsha KASE indeksi 0,57% -ǵa tómendep, 5 088,5 pýnktke baryp turaqtady. Sársenbide KASE jáne Nasdaq-ta Kaspi-diń aktsiialarynyń quny tómendedi (-4,8%).
Batys alańda, kerisinshe fintehkompaniialardyń baǵaly qaǵazdary sársenbide 4,6%-ǵa ósti, bul onyń búgin jergilikti birjalarda satyp alyna bastalanyn baiqatsa kerek. Naryqtaǵy mańyzdy oqiǵalardyń biri retinde, máselen, biylǵy qazan aiynan bastap Freedom Holding aktsiialary AIXQI indeksiniń qurylymyna kiriktirilip, búkil indekstiń 15% quraǵanyn aitýǵa bolady.
Sonymen qatar, búgin AIX-te QR Qarjy ministrliginiń 10 jyldyq eýrobondtary ornalastyryldy: eýrobondtardyń jalpy kólemi 1,5 mlrd dollar, indikativtik kýpondyq syiaqy mólsherlemesi - 4,87% (AIX jáne LSE-den taba alasyzdar). Esterińizge sala keteiik, 2024 jyldyń 14 qazanynda QR Qarjy ministrligi 2014 jyly jyldyq syiaqy mólsherlemesi 3,875 %-ben tartqan eýroobligatsiialardy óteýi tiis.
Munai
Sársenbi kúngi saýda-sattyq qorytyndysy boiynsha Brent munaiynyń bir barreliniń baǵasy Taiaý Shyǵystaǵy qaqtyǵystyń odan ári órshý yqtimaldyǵy aiasynda 74,7 dollarǵa (+0,3%) deiin ósti. BAQ-tardyń habarlaýynsha, Izrail men AQSh Irannyń zymyran soqqylaryna jaýap berý múmkindigin talqylaýda. Sonymen qatar, OPEK+ keshegi kezdesýde jeltoqsan aiynda óndiristi ulǵaitý boiynsha buryn qabyldanǵan sheshimderge súienetinin rastady.
Táýekeldi aktivter
Sársenbidegi investorlar belsendiligi baiqalmady. Olardyń áliptiń artyn baǵýdy jón kórgen. Iaǵni, olar "Taiaý Shyǵystaǵy qaqtyǵys odan ary qalai órbidi, AQSh-tyń eńbek naryǵy boiynsha qyrkúiek aiyndaǵy makrostatistika kórsetkishteri qandai bolady" degen suraqtarǵa jaýap kútýde. Nátijesinde AQSh-tyń negizgi qor indeksterinde dinamika baiqalmady.
