Halyqaralyq Fitch Ratings reiting agenttigi Qazaqstannyń táýelsiz kredittik reitingin "BBB" deńgeiinde saqtap, boljamyn "turaqty" dep baǵalady, dep habarlaidy dalanews.kz qara_aqqu arnasyna siltep.
Agenttik málimetinshe, Qazaqstannyń kredittik reitingi eldegi halyqaralyq rezervterdiń joǵary kólemi men memlekettik qaryz deńgeii tómendigine bailanysty qalyptasqan.
Fitch Ratings baǵalaýynsha, 2025 jyldyń sońynda altyndy qosa eseptegendegi jalpy halyqaralyq rezerv kólemi 65,4 mlrd dollar bolǵan. Al 2026 jyly mamyrda bul kórsetkish 67,6 mlrd dollarǵa deiin ósken. Ulttyq qordyń valiýtalyq aktivteri mamyrdyń aiaǵynda 66,4 mlrd dollarǵa (jalpy ishki ónimniń 18 paiyzy) jetip, byltyrmen salystyrǵanda 6,8 mlrd dollarǵa artqan.
Agenttik sarapshylarynyń boljamynsha, 2026-2028 jyldary Qazaqstan ekonomikasynyń ósimi jylyna 4 paiyz deńgeiinde bolady. Bul 2025 jylǵy 6,5 paiyzdyq ósimmen salystyrǵanda tómen. Buǵan munai óndirý kólemi turaqtaýy áser etedi.
Ekonomikalyq belsendilikti munaidan bólek salalar da qamtamasyz etip otyr. Olardyń qatarynda kólik, óńdeý ónerkásibi, qyzmet kórsetý salasy jáne memlekettik investitsiialar bar.
Sonymen qatar, Fitch Ratings Qazaqstanda infliatsiialyq qysym saqtalatynyn atap ótti. Buǵan úkimettiń kvazimemlekettik operatsiialary men azyq-túlik baǵasy joǵary bolýy áser etip otyr. Degenmen agenttik 2026-2027 jyldary infliatsiia birtindep tómendeidi dep boljap otyr.
