Belgili teatr jáne kino akteri Baýyrjan Qaptaǵai shyǵarmashylyq jolynda ózine úlken sabaq bolǵan oqiǵalardyń biri týraly ashyq aitty, dep habarlaidy dalanews.kz.
Óner iesi qazaq sahnasynyń abyzy, ustazy Asanáli Áshimovke qatysty kezinde qatelik jibergenin moiyndady. Onyń sózinshe, bir kezde kóptiń yqpalymen Áshimovke qarsy jazylǵan qujatqa qol qoiǵan. Keiin bul áreketine ókinip, ustazynan jeke ózi keshirim suraǵan.
"Baiqamai, elge ilesip, Asanáli Áshimovtiń artynan qol qoiyp jibergenim bar. Keiin ózinen keshirim suradym. Óitkeni ol kisi meniń ustazym boldy. Bizde Ázirbaijan Mámbetovtiń ústinen de, Tuńǵyshbaidyń ústinen de aryz jazyldy. Jaman boldym ózim", – dedi Baýyrjan Qaptaǵai.
