Qazaqstanda 463 829 azamat eGov portaly arqyly qumar oiyndarǵa qatysýǵa óz erkimen shekteý qoiǵan. Bul týraly premer-ministr Oljas Bektenov lýdomaniiamen kúres sharalary jónindegi depýtattyq saýalǵa bergen jaýabynda aitty, dep habarlaidy dalanews.kz.
Úkimet basshysynyń málimetinshe, ózin-ózi shekteý qyzmetin paidalanǵandardyń 224 793-ine qatysty shekteý áli de kúshinde.
Qandai shekteýler engizildi?
Oljas Bektenovtiń aitýynsha, Qazaqstanda boryshkerlerge, memlekettik qyzmetshilerge, áskeri qyzmetkerlerge jáne kúshtik qurylymdardyń qyzmetkerlerine qumar oiyndarǵa qatysýǵa tyiym salynǵan. Sonymen qatar býkmekerlik keńselerdiń jarnamasyna shekteý qoiylyp, qumar oiyndardy nasihattaityn SMS-habarlamalardy taratýǵa tyiym engizildi. Al erikti túrde ózin-ózi shekteý merzimi 10 jylǵa deiin uzartyldy.
Zańsyz kazinolarǵa qarsy qandai sharalar qabyldandy?
Premer-ministrdiń sózinshe, «Kibernadzor» júiesiniń kómegimen Qazaqstanda 55 myńnan astam zańsyz internet-kazino buǵattalǵan. Sondai-aq el boiynsha býkmekerlik kompaniialardyń 2 myńnan astam jarnamalyq konstrýktsiiasy demontajdalǵan. Bilik ókilderiniń málimetinshe, qabyldanyp jatqan sharalar lýdomaniianyń aldyn alýǵa jáne qumar oiyndarǵa táýeldilikpen kúresýge baǵyttalǵan.
