تاياۋ شىعىستاعى شيەلەنٸس تەڭگەنٸ ەلسٸرەتٸپ, دوللار باعامىن كٷشەيتتٸ. ال ينۆەستورلار "يراننىڭ زىمىران سوققىسىنا يزرايل جاۋاپ قايىرادى" دەپ دولبارلاپ, ابىر-سابىر, دەپ جازادى Dalanews.kz.
بۇل دەرەكتەر 3 قازاندا قازاقستان قارجىگەرلەر قاۋىمداستىعى ساراپشىلارىنىڭ ەلەمدٸك نارىقتارعا جاساعان شولۋىندا قامتىلعان. سونىمەن:
اقش دوللار باعامى
تاياۋ شىعىستا گەوساياسي جاعداي شيەلەنٸسە تٷسكەن سەتتە ەلەمدٸك نارىقتارداعى باعالار ايتارلىقتاي ٶستٸ. سەرسەنبٸدە قور بيرجاسىنداعى ساۋدا-ساتتىق قورىتىندىسى بويىنشا بٸر دوللار قۇنى 483,21 تەڭگەنٸ (+2,86 تەڭگە) قۇرادى. دەگەنمەن شەتەلدٸك ۆاليۋتا ساۋدا-ساتتىعىنىڭ كٶلەمٸ ٶسكەن كٷيٸندە قالىپ وتىر: 250,9 ملن دوللار (-3,8 ملن).
دەمەك, "تاياۋ شىعىستاعى شيەلەنٸس ودان ەرٸ ٶرشيدٸ" دەگەن بولجامعا سٷيەنگەن بٸرقاتار ويىنشىلار دوللاردى كٶپتەپ ساتىپ العان بولۋ مٷمكٸن. دوللار يندەكسٸ سەيسەنبٸدە 0,41% - عا ٶسسە, سەرسەنبٸدە تاعى 0,48% - عا ٶسكەنٸ بۇعان دەلەل بولا السا كەرەك. ياعني, دوللار باعامىنىڭ ٶسٸمٸ جاھاندىق سيپاتقا يە.
اقشا نارىعى
سەرسەنبٸدە اقشا نارىعىنىڭ ستاۆكالارى ۇلتتىق ۆاليۋتا باعامىنىڭ قۇبىلمالى بولۋىنا بايلانىستى ٶستٸ: TONIA - 13,28%-عا (+5 ب.پ.), ال SWAP-1D 8,65%-عا (+81 ب.پ.) دەيٸن ٶستٸ. ونىڭ ٷستٸنە ساۋدا-ساتتىق كٶلەمٸ سەيسەنبٸ كٷنگٸ كٶرسەتكٸشپەن سالىستىرعاندا ايتارلىقتاي ٶسكەنٸ بايقالادى: 750,0 ملرد تەڭگە (+103 ملرد). دەگەنمەن, ۇلتتىق بانك دەپوزيتتٸك اۋكتسيون ارقىلى قىسقا مەرزٸمدٸ ٶتٸمدٸلٸكتەگٸ اقشادان 410 ملرد تەڭگەنٸ الىپ قويدى (سۇرانىستىڭ 100%, جىلدىق سىياقى مٶلشەرلەمەسٸ - 14,25% - بەن).
قور نارىعى
سەرسەنبٸدەگٸ ساۋدا-ساتتىق قورىتىندىسى بويىنشا KASE يندەكسٸ 0,57% -عا تٶمەندەپ, 5 088,5 پۋنكتكە بارىپ تۇراقتادى. سەرسەنبٸدە KASE جەنە Nasdaq-تا Kaspi-دٸڭ اكتسييالارىنىڭ قۇنى تٶمەندەدٸ (-4,8%).
باتىس الاڭدا, كەرٸسٸنشە فينتەحكومپانييالاردىڭ باعالى قاعازدارى سەرسەنبٸدە 4,6%-عا ٶستٸ, بۇل ونىڭ بٷگٸن جەرگٸلٸكتٸ بيرجالاردا ساتىپ الىنا باستالانىن بايقاتسا كەرەك. نارىقتاعى ماڭىزدى وقيعالاردىڭ بٸرٸ رەتٸندە, مەسەلەن, بيىلعى قازان ايىنان باستاپ Freedom Holding اكتسييالارى AIXQI يندەكسٸنٸڭ قۇرىلىمىنا كٸرٸكتٸرٸلٸپ, بٷكٸل يندەكستٸڭ 15% قۇراعانىن ايتۋعا بولادى.
سونىمەن قاتار, بٷگٸن AIX-تە قر قارجى مينيسترلٸگٸنٸڭ 10 جىلدىق ەۋروبوندتارى ورنالاستىرىلدى: ەۋروبوندتاردىڭ جالپى كٶلەمٸ 1,5 ملرد دوللار, ينديكاتيۆتٸك كۋپوندىق سىياقى مٶلشەرلەمەسٸ - 4,87% (AIX جەنە LSE-دەن تابا الاسىزدار). ەستەرٸڭٸزگە سالا كەتەيٸك, 2024 جىلدىڭ 14 قازانىندا قر قارجى مينيسترلٸگٸ 2014 جىلى جىلدىق سىياقى مٶلشەرلەمەسٸ 3,875 %-بەن تارتقان ەۋرووبليگاتسييالاردى ٶتەۋٸ تيٸس.
مۇناي
سەرسەنبٸ كٷنگٸ ساۋدا-ساتتىق قورىتىندىسى بويىنشا Brent مۇنايىنىڭ بٸر باررەلٸنٸڭ باعاسى تاياۋ شىعىستاعى قاقتىعىستىڭ ودان ەرٸ ٶرشۋ ىقتيمالدىعى اياسىندا 74,7 دوللارعا (+0,3%) دەيٸن ٶستٸ. باق-تاردىڭ حابارلاۋىنشا, يزرايل مەن اقش يراننىڭ زىمىران سوققىلارىنا جاۋاپ بەرۋ مٷمكٸندٸگٸن تالقىلاۋدا. سونىمەن قاتار, وپەك+ كەشەگٸ كەزدەسۋدە جەلتوقسان ايىندا ٶندٸرٸستٸ ۇلعايتۋ بويىنشا بۇرىن قابىلدانعان شەشٸمدەرگە سٷيەنەتٸنٸن راستادى.
تەۋەكەلدٸ اكتيۆتەر
سەرسەنبٸدەگٸ ينۆەستورلار بەلسەندٸلٸگٸ بايقالمادى. ولاردىڭ ەلٸپتٸڭ ارتىن باعۋدى جٶن كٶرگەن. ياعني, ولار "تاياۋ شىعىستاعى قاقتىعىس ودان ارى قالاي ٶربيدٸ, اقش-تىڭ ەڭبەك نارىعى بويىنشا قىركٷيەك ايىنداعى ماكروستاتيستيكا كٶرسەتكٸشتەرٸ قانداي بولادى" دەگەن سۇراقتارعا جاۋاپ كٷتۋدە. نەتيجەسٸندە اقش-تىڭ نەگٸزگٸ قور يندەكستەرٸندە ديناميكا بايقالمادى.
