Nazarbaevtar áýletine jaqyn tulǵalardyń biri retinde tanylǵan dintanýshy, qoǵam qairatkeri Beibit Saparaly Sara Nazarbaevanyń qazirgi jaǵdaiyna qatysty pikir bildirdi, dep habarlaidy dalanews.kz.
Ol 2025 jyly "Sadaq" media agenttigi uiymdastyrǵan "Dúrbi" alańyna bergen suhbatynda Sara Nazarbaevanyń aman ekenin aityp, onyń búginde 85 jasta ekenin jetkizdi.
Saparalynyń sózinshe, Sara Nazarbaevanyń sońǵy jyldary kópshilik aldyna shyqpai, el nazarynan tys qalýyna áýlet ishinde bolǵan aýyr oqiǵalar áser etken bolýy múmkin.
"Sara apamyz tiri. Ony endi mynaý bizdiń aqparat kózderi baiqap jazý kerek. Árine, jasy úlken – 85 jasta. Sońǵy ondaǵan jyl ol kisi eldiń kózinen tasa boldy. Áýlettik jaǵdailar boldy. Aýyr jaǵdailar boldy. Aisultan nemeresi qaitys boldy. Onyń aldyndaǵy Rahat pen Dariǵanyń oqiǵasyn qarańyz. Onyń bári áiel adamǵa aýyr ǵoi. Bir kezde uiyp otyrǵan keremet áýlet. Bul saiasi astaryn aityp, kim kináli, kim kinásiz degen másele emes, ol – áiel adam bárine jany ashidy. Bárin jaqsy kóredi.
Kómekshilerinen estigenmin. Qatty aýyrdy. Elbasy ózi ushyp kelip, qasynda úsh kún otyrǵan. Dárigerler "qaitady" dep aitqan. Munda adamdar aýrýyna qaraý kerek. Sara apamyzdiki – rýhani aýrý. Balalarynyń taǵdyryn ýaiymdap, bolmai qalǵan áýletiniń qiyn taǵdyryn oilap, sodan rýhani keselge ushyrady.
Ol kisiniń aýrýyna sebep bolǵan taǵy bir nárse… Sara apamyz sýǵa shomylýdy shyǵardy. Men kezinde qansha ret synap aittym. Múmkin jaqtyrdy, jaqtyrmady… Elbasyǵa da jetip jatty. Tastai sýyq sýdy tańerten turyp quiatyn. Belgili bir jasta ol densaýlyǵyna paidaly bolǵan shyǵar. Ony sol kezde Elbasyǵa da istetti. 1994-1996 jyldary qyzyq kórip sony istep júrdi. Al endi tas tóbeńnen tastai sýyq sý quiǵan ol ǵusylǵa jatpaidy. Sodan kesel jinaidy. Ekinshiden, seniń maqsatyń ne? Iá Alla, maǵan shipa ber dep turǵan joq… Orystyń, ýkrainnyń mujyq dedyń aityp tur. Shirk qosylyp tur ortada… Túsinik basqa bolyp tur. Qanshama kúná jinady. Ol óte qiyn nárse. Sondyqtan ol rýhani keselge ushyrady", – dedi dintanýshy.
