Qazaqstan Respýblikasynyń Táýelsizdik kúni memlekettik merekesi qarsańynda kóp balaly otbasylar «Nurly jer» baǵdarlamasy aiasynda jeke baspanaǵa ie boldy. Aýdandaǵy baqytty jańa qonystanýshylar sany 8 otbasyna artty. Aýdan ákimi K.Baigonýsov barlyǵyna kilt tapsyryp, osy ataýly kúnmen quttyqtady.
- Táýelsizdik alǵannan beri elimizde azamattardyń barlyq sanattaryn áleýmettik qoldaý boiynsha bir qatar memlekettik baǵdarlama iske asyrylady. Elbasy N.Nazarbaev jáne el Prezidenti Q.Toqaev turǵyndardyń ómir súrý sapasyn arttyrýǵa erekshe kóńil bóledi. Búgin osyndai tamasha mereke kúni biz maǵynaly oqiǵany – jańa baspanalardy paidalanýǵa berýdi atap ótemiz, - dep belgiledi K.Baigonýsov.
-Qýanyshymyzda shek joq. Menshik úiimizdiń bolýy úlken armanymyz bolyp edi. Osyndai qýanyshty oqiǵalar kóbeie bersin! Osyndai mereke qarsańynda menshik baspana alýymyz óte ataýly. Ol eń aldymen Elbasymyz N. Nazarbaevtyń danyshpan saiasatynyń arqasy, osynyń barlyǵyn a memlekettiń múmkindigi boldy, bizge baspana alýǵa kómektesti. Elimizdiń Prezidenti Q. Toqaevqa, oblys ákimi D. Ahmetovke jáne aýdan ákimi Q. Baigonýsovqa úlken rahmet,- deidi baqytty jańadan qonystanýshylar.
Barlyq úiler «Nurly Jer» baǵdarlamasyn júzege asyrý aiasynda salyndy. Aýdan kásipkerleri úilerdi jeke qarajattaryna salady. Daiyn baspanany memleket satyp alady.
Kelesi jyly aýdanda taǵy 20 úi turǵyzý josparlanýda.
