قازاقستان رەسپۋبليكاسىنىڭ تاۋەلسىزدىك كۇنى مەملەكەتتىك مەرەكەسى قارساڭىندا كوپ بالالى وتباسىلار «نۇرلى جەر» باعدارلاماسى اياسىندا جەكە باسپاناعا يە بولدى. اۋدانداعى باقىتتى جاڭا قونىستانۋشىلار سانى 8 وتباسىنا ارتتى. اۋدان اكىمى ك.بايگونۋسوۆ بارلىعىنا كىلت تاپسىرىپ، وسى اتاۋلى كۇنمەن قۇتتىقتادى.
- تاۋەلسىزدىك العاننان بەرى ەلىمىزدە ازاماتتاردىڭ بارلىق ساناتتارىن الەۋمەتتىك قولداۋ بويىنشا ءبىر قاتار مەملەكەتتىك باعدارلاما ىسكە اسىرىلادى. ەلباسى ن.نازاربايەۆ جانە ەل پرەزيدەنتى ق.توقايەۆ تۇرعىنداردىڭ ءومىر ءسۇرۋ ساپاسىن ارتتىرۋعا ەرەكشە كوڭىل بولەدى. بۇگىن وسىنداي تاماشا مەرەكە كۇنى ءبىز ماعىنالى وقيعانى – جاڭا باسپانالاردى پايدالانۋعا بەرۋدى اتاپ وتەمىز، - دەپ بەلگىلەدى ك.بايگونۋسوۆ.
-قۋانىشىمىزدا شەك جوق. مەنشىك ءۇيىمىزدىڭ بولۋى ۇلكەن ارمانىمىز بولىپ ەدى. وسىنداي قۋانىشتى وقيعالار كوبەيە بەرسىن! وسىنداي مەرەكە قارساڭىندا مەنشىك باسپانا الۋىمىز وتە اتاۋلى. ول ەڭ الدىمەن ەلباسىمىز ن. نازاربايەۆتىڭ دانىشپان ساياساتىنىڭ ارقاسى، وسىنىڭ بارلىعىن ا مەملەكەتتىڭ مۇمكىندىگى بولدى، بىزگە باسپانا الۋعا كومەكتەستى. ەلىمىزدىڭ پرەزيدەنتى ق. توقايەۆقا، وبلىس اكىمى د. احمەتوۆكە جانە اۋدان اكىمى ق. بايگونۋسوۆقا ۇلكەن راحمەت،- دەيدى باقىتتى جاڭادان قونىستانۋشىلار.
بارلىق ۇيلەر «نۇرلى جەر» باعدارلاماسىن جۇزەگە اسىرۋ اياسىندا سالىندى. اۋدان كاسىپكەرلەرى ۇيلەردى جەكە قاراجاتتارىنا سالادى. دايىن باسپانانى مەملەكەت ساتىپ الادى.
كەلەسى جىلى اۋداندا تاعى 20 ءۇي تۇرعىزۋ جوسپارلانۋدا.
