Táýelsizdik kúni qarsańynda «Jastar Rýhy» aktsiia ótkizdi
Táýelsizdik kúni qarsańynda «AMANAT» partiiasynyń «Jastar Rýhy» jastar qanatynyń belsendileri elordadaǵy «Qalamgerler» alleiasynda «Alash» qozǵalysynyń kóshbasshylaryna arnalǵan eskertkishke gúl shoqtaryn qoidy, – dep habarlaidy Dalanews.kz «AMANAT» partiiasynyń baspasóz qyzmetine silteme jasap.
«AMANAT» partiiasynyń «Jastar Rýhy» jastar qanatynyń belsendileri Álihan Bókeihan, Ahmet Baitursynuly jáne Mirjaqyp Dýlatuly eskertkishine gúl shoqtaryn qoiyp, olardy bir minýt únsizdikpen eske aldy. Uiymdastyrýshylardyń aitýynsha, «Táýelsizdik – ult rýhynyń dińgegi» aktsiiasy – Azattyq jolynda qurban bolǵan «Alash» qozǵalysynyń uly qairatkerlerine kórsetilgen qurmet.
«Jastar Rýhynyń» tóraǵasy Nurjan Jetpisbaevtyń aitýynsha, Táýelsizdik – halqymyzdyń qasterli qundylyǵy ekenin jastar qaýymy jaqsy túsinýi tiis.
– Táýelsizdik – elimizdiń árbir azamaty úshin qasietti uǵym. Sonyń arqasynda Qazaqstan jemisti jetistikterge qol jetkizdi. Bostandyq ulttyq rýhymyzdyń «ózegi» ekenin jastar qaýymy tereń túsinse deimiz. Memleket basshysy Qasym-Jomart Toqaev atap ótkendei, Alash qairatkerleriniń derbes memleket bolyp, jer júzimen terezesi teń qatynas ornatý jónindegi arman-maqsaty júzege asty. Táýelsizdikti nyǵaitý jáne memlekettilikti qorǵaý – tarlan tarih pen bolashaq urpaq aldyndaǵy paryzymyz ekenine senimdimin, – dedi Nurjan Jetpisbaev.
Osyndai is-sharalar elimizdiń barlyq óńirinde ótti.
Sýretti túsirgen Álisher Qadyshev
