«AMANAT» پارتياسىنىڭ «جاستار رۋحى» جاستار قاناتىنىڭ بەلسەندىلەرى ءاليحان بوكەيحان، احمەت بايتۇرسىن ۇلى جانە ءمىرجاقىپ دۋلات ۇلى ەسكەرتكىشىنە گۇل شوقتارىن قويىپ، ولاردى ءبىر مينۋت ۇنسىزدىكپەن ەسكە الدى. ۇيىمداستىرۋشىلاردىڭ ايتۋىنشا، «تاۋەلسىزدىك – ۇلت رۋحىنىڭ دىڭگەگى» اكسياسى – ازاتتىق جولىندا قۇربان بولعان «الاش» قوزعالىسىنىڭ ۇلى قايراتكەرلەرىنە كورسەتىلگەن قۇرمەت.
«جاستار رۋحىنىڭ» ءتوراعاسى نۇرجان جەتپىسبايەۆتىڭ ايتۋىنشا، تاۋەلسىزدىك – حالقىمىزدىڭ قاستەرلى قۇندىلىعى ەكەنىن جاستار قاۋىمى جاقسى ءتۇسىنۋى ءتيىس.
– تاۋەلسىزدىك – ەلىمىزدىڭ ءاربىر ازاماتى ءۇشىن قاسيەتتى ۇعىم. سونىڭ ارقاسىندا قازاقستان جەمىستى جەتىستىكتەرگە قول جەتكىزدى. بوستاندىق ۇلتتىق رۋحىمىزدىڭ «وزەگى» ەكەنىن جاستار قاۋىمى تەرەڭ تۇسىنسە دەيمىز. مەملەكەت باسشىسى قاسىم-جومارت توقايەۆ اتاپ وتكەندەي، الاش قايراتكەرلەرىنىڭ دەربەس مەملەكەت بولىپ، جەر جۇزىمەن تەرەزەسى تەڭ قاتىناس ورناتۋ جونىندەگى ارمان-ماقساتى جۇزەگە استى. تاۋەلسىزدىكتى نىعايتۋ جانە مەملەكەتتىلىكتى قورعاۋ – تارلان تاريح پەن بولاشاق ۇرپاق الدىنداعى پارىزىمىز ەكەنىنە سەنىمدىمىن، – دەدى نۇرجان جەتپىسبايەۆ.
وسىنداي ءىس-شارالار ەلىمىزدىڭ بارلىق وڭىرىندە ءوتتى.
سۋرەتتى تۇسىرگەن الىشەر قادىشيەۆ
