Almaty oblysynda 29 jastaǵy er adamnyń ólimine bailanysty qylmystyq is tergelip jatyr. Marqumnyń týystarynyń aitýynsha, áriptesteri ony demalys bazasy aýmaǵynda taspen uryp-soǵyp, keiin tiridei kómip ketken bolýy múmkin. Er adamnyń súiegi birneshe kúnnen keiin tabylǵan, dep habarlaidy dalanews.kz.
Politsiianyń málimetinshe, kúdiktiler ýaqytsha ustaý izoliatoryna qamalǵan. Vedomstvo aqparatyna súiensek, 27 mamyrda Uiǵyr aýdandyq politsiiasyna áiel adam 29 jastaǵy uly joǵalǵany týraly aryz túsirgen. Onyń aitýynsha, uly jumys ornyna ketkennen keiin bailanysqa shyqpaǵan.
Osydan keiin jedel izdestirý sharalary uiymdastyrylǵan. Nátijesinde joǵalǵan azamattyń súiegi jumys ornyna jaqyn ornalasqan demalys bazasy aýmaǵynan tabylǵan.
Aldyn ala málimet boiynsha er adam men áriptesteri arasynda ishimdik ishkennen keiin janjal shyqqan. Sonyń saldarynan jábirlenýshi dene jaraqatyn alǵan.
Bul derek boiynsha kisi óltirý jáne qylmysty jasyrý baptarymen qylmystyq ister qozǵalǵan. Eki kúdikti qamaýǵa alyndy. Al oqiǵa kezinde birge bolǵan úshinshi er adamǵa qatysty sheshim tergeý nátijesine qarai qabyldanbaq.
