الماتى وبلىسىندا 29 جاستاعى ەر ادامنىڭ ٶلٸمٸنە بايلانىستى قىلمىستىق ٸس تەرگەلٸپ جاتىر. مارقۇمنىڭ تۋىستارىنىڭ ايتۋىنشا, ەرٸپتەستەرٸ ونى دەمالىس بازاسى اۋماعىندا تاسپەن ۇرىپ-سوعىپ, كەيٸن تٸرٸدەي كٶمٸپ كەتكەن بولۋى مٷمكٸن. ەر ادامنىڭ سٷيەگٸ بٸرنەشە كٷننەن كەيٸن تابىلعان, دەپ حابارلايدى dalanews.kz.
پوليتسييانىڭ مەلٸمەتٸنشە, كٷدٸكتٸلەر ۋاقىتشا ۇستاۋ يزولياتورىنا قامالعان. ۆەدومستۆو اقپاراتىنا سٷيەنسەك, 27 مامىردا ۇيعىر اۋداندىق پوليتسيياسىنا ەيەل ادام 29 جاستاعى ۇلى جوعالعانى تۋرالى ارىز تٷسٸرگەن. ونىڭ ايتۋىنشا, ۇلى جۇمىس ورنىنا كەتكەننەن كەيٸن بايلانىسقا شىقپاعان.
وسىدان كەيٸن جەدەل ٸزدەستٸرۋ شارالارى ۇيىمداستىرىلعان. نەتيجەسٸندە جوعالعان ازاماتتىڭ سٷيەگٸ جۇمىس ورنىنا جاقىن ورنالاسقان دەمالىس بازاسى اۋماعىنان تابىلعان.
الدىن الا مەلٸمەت بويىنشا ەر ادام مەن ەرٸپتەستەرٸ اراسىندا ٸشٸمدٸك ٸشكەننەن كەيٸن جانجال شىققان. سونىڭ سالدارىنان جەبٸرلەنۋشٸ دەنە جاراقاتىن العان.
بۇل دەرەك بويىنشا كٸسٸ ٶلتٸرۋ جەنە قىلمىستى جاسىرۋ باپتارىمەن قىلمىستىق ٸستەر قوزعالعان. ەكٸ كٷدٸكتٸ قاماۋعا الىندى. ال وقيعا كەزٸندە بٸرگە بولعان ٷشٸنشٸ ەر ادامعا قاتىستى شەشٸم تەرگەۋ نەتيجەسٸنە قاراي قابىلدانباق.
