Vetnamnan Ekaterinbýrgke bet alǵan ondaǵan jolaýshy Taraz áýejaiynyń tranzittik aimaǵynda qalyp qoidy. Josparlanǵan tehnikalyq aialdama bir táýlikke jýyq ýaqytqa sozylǵan, dep habarlaidy Dalanews.kz.
Tengrinews redaktsiiasynyń bailanys nómirine jolaýshylardyń biri habarlasqan. Onyń aitýynsha, SCAT áýe kompaniiasynyń ushaǵy Tarazǵa josparly janarmai quiý úshin qonǵan. Alaida kózdelgen bir saǵattyń ornyna jolaýshylar «taza aimaqta» shamamen bir táýlikke jýyq, 18 saǵattan astam ýaqyt ótkizýge májbúr bolǵan.
Jolaýshynyń sózinshe, reis birneshe ret keiinge shegerilgen: áýeli bir saǵatqa, keiin taǵy birneshe márte. Alaida áýe kompaniia ókilderi kidiristiń naqty sebebin túsindire almaǵan. Sonymen qatar tasymaldaýshynyń call-ortalyǵy da qoljetimsiz bolǵan.
«Tutas bir ushaqtaǵy jolaýshylar Taraz áýejaiynda turyp qaldy. 14 saǵattan astam ýaqyt boiy bizge tek “biz eshteńe bilmeimiz” degen jaýap qana aitylyp keledi. Bailanys joq. Kompaniia ókilderi bizdi aqparatsyz, kómeksiz áýejai ǵimaratynda qaldyryp ketti», - dedi Resei azamaty.
Áýe kompaniiasynyń baspasóz qyzmeti uzaq kidiris bolǵanyn rastady jáne onyń tehnikalyq sebepterge bailanysty ekenin habarlaǵan.
«2026 jylǵy 20 qańtarda oryndalǵan Fýkýok – Taraz – Ekaterinbýrg baǵyty boiynsha VSV5322/451 charterlik reis keshiktirildi. Ushaqty ushýǵa daiyndaý barysynda qosymsha tehnikalyq qyzmet kórsetý qajettiligi anyqtaldy», - dep túsindirdi tasymaldaýshy.
Kompaniia ókilderi jolaýshylardyń jailylyǵy úshin barlyq qajetti sharalar qabyldanǵanyn atap ótti.
