Tantal men niobii implantattaryn eksportqa shyǵarady
Oblysta múlde jańa sipattaǵy, tehnologiialyq serpilis ákeletin jobanyń biri – tantal men niobiiden meditsinalyq implantat jasaý. Búginde bul jobany D.Serikbaev atyndaǵy ShQMTÝ-dyń ǵylymi-zertteý jáne tájiribelik-konstrýktorlyq jumys toby ázirleýde.
Ótken jyly oblysta eki milliard teńgeniń segiz jobasy boiynsha ǵylymi-zertteý jáne tájiribelik-konstrýktorlyq jumys júrgizildi.
Oblysta myrysh óndirisin jańǵyrtýǵa mańyz berilip otyr. Sol arqyly óńirdegi jutań ken qazbalarynan baǵaly komponentter shyǵarýdy arttyryp, kenniń árbir myń tonnasynan 600 myń AQSh dollary mólsherinde tabys tabýdy qamtamasyz eted. «Pirometallýrgiialyq tásilmen qorǵasyn men myrysh óndirisin alý» jobasy arqyly ónerkásiptegi energiianyń jumsalýyn 4-8 paiyzǵa deiin azaitýǵa bolady. Al «Taý-ken baiytý óndirisinde untaqtaý innovatsiialyq tehnologiiasyn engizý» boiynsha jumystar óndiristiń ózindik qunyn 1,5-2 azaitýǵa múmkindik beredi.
– Elbasymyz Nursultan Nazarbaev ekonomikanyń barlyq salasynda turaqtylyqty saqtap, halyqtyń ál-aýqatyn kóterýdi tapsyrǵan bolatyn. Budan bólek Prezident biylǵy Joldaýynda álemniń damyǵan elderiniń qataryna qosylý úshin Qazaq eli atqarýǵa tiisti 10 mindetti naqtylap berdi. Jalpy, bizdiń oblysta Elbasy Joldaýynda júktelgen mindetter júzege asyrylyp keledi. Sonyń biri – oblystaǵy ǵylymi-zertteý jáne tájiribelik-konstrýktorlyq jumys tobynyń ázirlep jatqan jobasy, – dedi oblys ákimi Danial Ahmetov.
