Áleýmettik jeli men birqatar BAQ-ta Astanada tanymal ánshi Marjan Arapbaevaǵa shabýyl jasalǵany týraly aqparat tarady, dep habarlaidy Dalanews.kz.
Jariialanǵan málimetke súiensek, oqiǵa qańtardyń basynda qoǵamdyq orynda bolǵan. Sonymen qatar, jazbada bul iske ánshiniń azamattyq jubaiynyń qatysy bolýy múmkin degen boljam aityldy.
Politsiianyń málimetinshe, qoǵamdyq orynda balaǵat sózder aityp, usaq buzaqylyq jasaǵany úshin 43 jastaǵy elorda turǵyny ákimshilik jaýapkershilikke tartylǵan.
"Qoǵamdyq orynda beiádep sózder qoldaný deregi boiynsha elorda turǵyny jaýapqa tartyldy. Sonymen qatar, turǵyn úi aýlasynda azamattyq jubaiymen aradaǵy janjal kezinde áielge kúsh qoldanǵany anyqtaldy", – dep málimdedi politsiia ókilderi.
Budan bólek, er adamǵa qatysty dene jaraqatyn keltirý deregi boiynsha bólek aryz tirkelgen.
Ákimshilik is sotta qaralyp, er adam Ákimshilik quqyqbuzýshylyq týraly kodekstiń 434-baby, 1-bóligi boiynsha 10 táýlikke ákimshilik qamaýǵa alynǵan.
Politsiia tergeý jalǵasyp, oqiǵanyń barlyq mán-jaiy anyqtalyp jatqanyn jetkizdi.
Sonymen qatar, Tengrinews.kz Marjan Arapbaevanyń menedjmentimen bailanysqa shyqqan. Ánshiniń ókili onyń jubaiy ustaldy degen aqparatty joqqa shyǵarǵan.
"Bul aqparat shyndyqqa janaspaidy", – dedi ánshiniń ókili.
