Almaty oblysynyń Talǵar aýdanynda áıel adamdy óltirgen kúdikti qolǵa tústi, pyshaq jaraqatynan kóz jumǵan marqum júkti bolǵan, dep habarlaıdy Dalanews.kz
Polısıanyń málimetinshe, 14 qańtar kúni adam óltirý kúdigimen Rysqulov aýylynyń 45 jastaǵy turǵyny ustaldy. Ol marqumnyń azamattyq kúıeýi bolǵan. Kúdikti ýaqytsha ustaý ızolátoryna qamalyp, qylmystyq is qozǵaldy.
Aldyn ala derekterge sáıkes, otbasylyq janjal kezinde er adam áıelge pyshaq jaraqatyn salǵan. Birneshe saǵattan keıin áıel alǵan jaraqattarynyń saldarynan kóz jumdy. Jaraqat alǵan áıeldi onyń týystary taýyp alǵan. Sondaı-aq, marqumnyń júkti bolǵany habarlandy.
