الماتى وبلىسىنىڭ تالعار اۋدانىندا ايەل ادامدى ولتىرگەن كۇدىكتى قولعا ءتۇستى، پىشاق جاراقاتىنان كوز جۇمعان مارقۇم جۇكتى بولعان، دەپ حابارلايدى Dalanews.kz
پوليسيانىڭ مالىمەتىنشە، 14 قاڭتار كۇنى ادام ءولتىرۋ كۇدىگىمەن رىسقۇلوۆ اۋىلىنىڭ 45 جاستاعى تۇرعىنى ۇستالدى. ول مارقۇمنىڭ ازاماتتىق كۇيەۋى بولعان. كۇدىكتى ۋاقىتشا ۇستاۋ يزولياتورىنا قامالىپ، قىلمىستىق ءىس قوزعالدى.
الدىن الا دەرەكتەرگە سايكەس، وتباسىلىق جانجال كەزىندە ەر ادام ايەلگە پىشاق جاراقاتىن سالعان. بىرنەشە ساعاتتان كەيىن ايەل العان جاراقاتتارىنىڭ سالدارىنان كوز جۇمدى. جاراقات العان ايەلدى ونىڭ تۋىستارى تاۋىپ العان. سونداي-اق، مارقۇمنىڭ جۇكتى بولعانى حابارلاندى.
