Aqtas aýylyndaǵy №36 orta mekteptiń sharýashylyq meńgerýshisi Serikjan Bekmuratov dizel otynyn bólý jóninde zańbuzýshylyqtar bar dep shaǵymdanǵan edi. Osy máselege qatysty aýdandyq bilim bólimi resmi jaýap berdi, dep habarlaidy Dalanews.kz.
2023 jyly mektep 107 810 litr dizel otynyn qabyldanyp, resmi qujattar arqyly Talǵar aýdanynyń 9 mektebine 102 400 litri taratylǵan. №36 mektepte 2 976 litr otyn qalǵan.
2024 jyldyń naýryz–mamyr ailarynda Antikor haty negizinde Ishki memlekettik aýdit departamenti tekseris júrgizip, qujattardy salystyrý nátijesinde eshqandai aiyrmashylyq tappaǵan.
Kadrlyq máseleler
Resmi jaýapta mektepterde sharýashylyq qyzmetine jaýapty qyzmetkerler konkýrs arqyly qabyldanatyny aitylǵan. №36 mekteptiń shtatynda direktordyń sharýashylyq jónindegi orynbasary men sharýashylyq meńgerýshisi bar.
Serikjan Bekmuratov bul qyzmetke 2023 jylǵy 1 qyrkúiekte qabyldanǵan. Onyń mindetine mekteptiń ishki-syrtqy tazalyǵyn qadaǵalaý, tehnikalyq qyzmetkerlerdiń jumysyn uiymdastyrý jáne órt qaýipsizdigin saqtaý kiredi. Onyń jubaiy atalǵan mektepte bastaýysh synyp muǵalimi.
Direktordyń sharýashylyq jónindegi orynbasary buryn materialdyq jaýapkershilikti, esep júrgizý, kommýnikatsiia júieleriniń jumysyn qamtamasyz etý jáne sharýashylyq shyǵyndaryn baqylaý jumystaryn atqarǵan.
Tekserýler nátijesi
Bekmuratov birneshe ret ártúrli organdarǵa shaǵym túsirgen. Biraq barlyq aýdit pen qujattyq tekserýler onyń aitqan derekterin rastaǵan joq. Bilim bólimi basshysynyń aitýynsha, ol aryzdanýshy azamatty buryn kórmegen jáne jeke tanystyǵy joq.
Sonymen qatar, Serikjan Bekmuratov 2025 jyldyń sáýir–tamyz ailarynda bes ai boiy eńbekke jaramsyzdyq paraǵymen em qabyldap, jumysqa shyqpaǵan.
Eske salaiyq, buǵan deiin Almaty oblysy Talǵar aýdanyna qarasty Aqtas aýylyndaǵy №36 jalpy bilim beretin orta mekteptiń sharýashylyq bóliminiń qyzmetkeri Serikjan Bekmuratov bilim ordasyndaǵy bylyqtar týraly aityp bergen bolatyn.
