Aita keteiik 2023 jyldyń shilde aiynyń 27-i kúni saǵat 04:45-te «Qazmyrysh» JShS Ridder taý-ken baiytý kombinatynyń qaldyq sharýashylyǵyndaǵy qoiyrtpaq (pýlpa) ótkizgishtiń jarylýy nátijesinde jergilikti jer bederine 1350 m³ shlam tógilgen, odan suiyq qaldyqtar jerdiń tabiǵi eńisi boiynsha Filipovka ózeni men Tihaia ózenine tógilýmen odan ári Úlbi ózenine aǵyp ketkendikten ol jer ústi sýlarynyń sapasyn edáýir nasharlatqan jáne tabiǵi aimaqqa ziian keltirgen bolatyn.
Lastanǵan jerlerdiń jalpy aýdany 1800 m² qurady, qoiyrtpaqtyń (pýlpanyń) tógilýi Filipovka men Tihaia ózenderiniń 10 shaqyrym uzaqtyǵyna deiin lastanýyna ákeldi.
ShQO Ekologiia departamentiniń basshysy Daniiar Álievtiń aitýynsha ekologiia departamentiniń qyzmetkerleri Zaisan-Ertis oblysaralyq balyq sharýashylyǵy basseindik inspektsiiasynyń jáne «Balyq sharýashylyǵy» JShS Altai filialynyń ókilderimen birlesip oqiǵa ornyna baryp himiialyq taldaý júrgizip, zooplankton men makrozoobentostyń biologiialyq jai-kúiin anyqtaý maqsatynda Filippovka ózeninen sý synamalaryn alypty.
– Ekologiia departamentiniń zerthanalyq zertteýleriniń nátijelerine sáikes, oqiǵa bolǵan kúni Filipovka ózenindegi baqylaý núktesinde (pýlpanyń tógilýinen 500 metr tómen) nitrattar boiynsha kontsentratsiianyń 140 ese, ólshengen zattar boiynsha 50 ese jáne marganets boiynsha 5 ese artqany anyqtaldy.
Osyǵan bailanysty, remediatsiia baǵdarlamasyna sáikes tabiǵi ortany bazalyq kúige keltirý úshin Filipovka ózeniniń túbin qoiyrtpaqtyń laily tunbasynan tazartyp, Filipovka, Tihaia jáne Úlbi ózenderiniń arnalary boiyndaǵy zooplankton men makrozoobentosty zertteý qajet, – dedi brifing barysynda ShQO ekologiia departamentiniń basshysy.
Al qorshaǵan ortaǵa zalal keltirgeni úshin QR Ekologiialyq kodeksiniń 138-babynyń 6-tarmaǵyna sáikes «Qazmyrysh» JShS birneshe mindetter júketeldi.
– «Qazmyrysh» JShS aǵymdaǵy jyldyń qazan aiynyń sońyna deiin 1400 dana kóleminde tuqy tuqymdasynyń shabaq balyqtaryn Shúlbi sý qoimasynyń akvatoriiasyn balyqtandyrý jolymen ótemdik remediatsiia júrgizýge mindettenedi. ShQO boiynsha ekologiia departamenti jospardan tys tekserý nátijeleri boiynsha ekologiialyq talaptardy buzǵany úshin jalpy somasy 49,6 mln teńgege aiyppul salyndy.
Sonymen qatar, is júrgizý sheshimin qabyldaý úshin Ridder politsiia bólimine QR Qylmystyq kodeksiniń 328-babynyń 1, 2-bóliginde, 332-babynda kózdelgen quqyq buzýshylyq belgileri boiynsha ótinish joldandy.Qylmystyq is qozǵaýdan bas tartylǵan jaǵdaida, «Kazmyrysh» JShS-ǵa qatysty jerdi búldirý faktisi boiynsha QR ÁQtK 337-babynyń 4-bóligimen 6,9 mln.teńge somaǵa aiyppul salynady, – dedi Daniiar Áliev.
Sondai-aq, brifing sońynda ShQO ekologiia departamentiniń basshysy Daniiar Áliev qabyldanǵan sheshimderdiń jáne remediatsiia baǵdarlamasyn oryndaý, onyń ishinde ózenderdi tazartý jáne tekserý, himiialyq quramyn baqylaý, Shúlbi sý qoimasyn balyqtandyrý boiynsha qabyldanǵan sharalar týraly qosymsha habarlanatynyn jetkizdi.
