ايتا كەتەيىك 2023 جىلدىڭ شىلدە ايىنىڭ 27ء-ى كۇنى ساعات 04:45-تە «قازمىرىش» ج ش س ريددەر تاۋ-كەن بايىتۋ كومبيناتىنىڭ قالدىق شارۋاشىلىعىنداعى قويىرتپاق (پۋلپا) وتكىزگىشتىڭ جارىلۋى ناتيجەسىندە جەرگىلىكتى جەر بەدەرىنە 1350 م³ شلام توگىلگەن، ودان سۇيىق قالدىقتار جەردىڭ تابيعي ەڭىسى بويىنشا فيليپوۆكا وزەنى مەن تيحايا وزەنىنە توگىلۋمەن ودان ءارى ءۇلبى وزەنىنە اعىپ كەتكەندىكتەن ول جەر ءۇستى سۋلارىنىڭ ساپاسىن ەداۋىر ناشارلاتقان جانە تابيعي ايماققا زيان كەلتىرگەن بولاتىن.
لاستانعان جەرلەردىڭ جالپى اۋدانى 1800 م² قۇرادى، قويىرتپاقتىڭ (پۋلپانىڭ) توگىلۋى فيليپوۆكا مەن تيحايا وزەندەرىنىڭ 10 شاقىرىم ۇزاقتىعىنا دەيىن لاستانۋىنا اكەلدى.
شقو ەكولوگيا دەپارتامەنتىنىڭ باسشىسى دانيار الييەۆتىڭ ايتۋىنشا ەكولوگيا دەپارتامەنتىنىڭ قىزمەتكەرلەرى زايسان-ەرتىس وبلىسارالىق بالىق شارۋاشىلىعى باسسەيندىك ينسپەكسياسىنىڭ جانە «بالىق شارۋاشىلىعى» ج ش س التاي فيليالىنىڭ وكىلدەرىمەن بىرلەسىپ وقيعا ورنىنا بارىپ حيميالىق تالداۋ جۇرگىزىپ، زووپلانكتون مەن ماكروزووبەنتوستىڭ بيولوگيالىق جاي-كۇيىن انىقتاۋ ماقساتىندا فيليپپوۆكا وزەنىنەن سۋ سىنامالارىن الىپتى.
– ەكولوگيا دەپارتامەنتىنىڭ زەرتحانالىق زەرتتەۋلەرىنىڭ ناتيجەلەرىنە سايكەس، وقيعا بولعان كۇنى فيليپوۆكا وزەنىندەگى باقىلاۋ نۇكتەسىندە (پۋلپانىڭ توگىلۋىنەن 500 مەتر تومەن) نيتراتتار بويىنشا كونسەنتراسيانىڭ 140 ەسە، ولشەنگەن زاتتار بويىنشا 50 ەسە جانە مارگانەس بويىنشا 5 ەسە ارتقانى انىقتالدى.
جينالعان سۇيىق قويىرتپاق (پۋلپا) № 5 قويىرتپاق سورعى ستانسياسىنىڭ اپاتتىق توعانىنا ۋاقىتشا ورنالاستىرىلىپ، ول جەردەن تالوۆسك قالدىق قويماسىنا اۆتوكولىكپەن تاسىمالداناتىن بولادى.
وسىعان بايلانىستى، رەمەدياسيا باعدارلاماسىنا سايكەس تابيعي ورتانى بازالىق كۇيگە كەلتىرۋ ءۇشىن فيليپوۆكا وزەنىنىڭ ءتۇبىن قويىرتپاقتىڭ لايلى تۇنباسىنان تازارتىپ، فيليپوۆكا، تيحايا جانە ءۇلبى وزەندەرىنىڭ ارنالارى بويىنداعى زووپلانكتون مەن ماكروزووبەنتوستى زەرتتەۋ قاجەت، – دەدى بريفينگ بارىسىندا شقو ەكولوگيا دەپارتامەنتىنىڭ باسشىسى.
ال قورشاعان ورتاعا زالال كەلتىرگەنى ءۇشىن ق ر ەكولوگيالىق كودەكسىنىڭ 138-بابىنىڭ 6-تارماعىنا سايكەس «قازمىرىش» ج ش س بىرنەشە مىندەتتەر جۇكەتەلدى.
– «قازمىرىش» ج ش س اعىمداعى جىلدىڭ قازان ايىنىڭ سوڭىنا دەيىن 1400 دانا كولەمىندە تۇقى تۇقىمداسىنىڭ شاباق بالىقتارىن ءشۇلبى سۋ قويماسىنىڭ اكۆاتورياسىن بالىقتاندىرۋ جولىمەن وتەمدىك رەمەدياسيا جۇرگىزۋگە مىندەتتەنەدى. شقو بويىنشا ەكولوگيا دەپارتامەنتى جوسپاردان تىس تەكسەرۋ ناتيجەلەرى بويىنشا ەكولوگيالىق تالاپتاردى بۇزعانى ءۇشىن جالپى سوماسى 49،6 ملن تەڭگەگە ايىپپۇل سالىندى.
سونىمەن قاتار، ءىس جۇرگىزۋ شەشىمىن قابىلداۋ ءۇشىن ريددەر پوليسيا بولىمىنە ق ر قىلمىستىق كودەكسىنىڭ 328-بابىنىڭ 1، 2-بولىگىندە، 332-بابىندا كوزدەلگەن قۇقىق بۇزۋشىلىق بەلگىلەرى بويىنشا ءوتىنىش جولداندى.قىلمىستىق ءىس قوزعاۋدان باس تارتىلعان جاعدايدا، «كازمىرىش» جشس-عا قاتىستى جەردى ءبۇلدىرۋ فاكتىسى بويىنشا ق ر اقتك 337-بابىنىڭ 4-بولىگىمەن 6،9 ملن.تەڭگە سوماعا ايىپپۇل سالىنادى، – دەدى دانيار الييەۆ.
سونداي-اق، بريفينگ سوڭىندا شقو ەكولوگيا دەپارتامەنتىنىڭ باسشىسى دانيار الييەۆ قابىلدانعان شەشىمدەردىڭ جانە رەمەدياسيا باعدارلاماسىن ورىنداۋ، ونىڭ ىشىندە وزەندەردى تازارتۋ جانە تەكسەرۋ، حيميالىق قۇرامىن باقىلاۋ، ءشۇلبى سۋ قويماسىن بالىقتاندىرۋ بويىنشا قابىلدانعان شارالار تۋرالى قوسىمشا حابارلاناتىنىن جەتكىزدى.
