Túrkistan oblysynda zańsyzdyq áshkere boldy, dep habarlaidy Dalanews.kz.
Arys aýdanynyń prokýratýrasy agroónerkásip salasynda júrgizgen tekseris nátijesinde biýdjet qarajatyn asa iri mólsherde jymqyrý deregin anyqtaǵan.
"Y" aýyl sharýashylyǵy óndiristik kooperativiniń tóraǵasy 2021 jylǵy sáýirde aqparattyq júiege kooperativ atyna 2470 bas analyq iri qara maldy jalǵa alǵany týraly jalǵan málimet, sondai-aq, selektsiialyq jumystar júrgizý úshin 120 bas asyl tuqymdy buqany jalǵa alǵany jóninde aqparat engizgen.
Memleketten kooperativtiń banktegi esepshotyna 24 700 000 teńge kóleminde sýbsidiia qarjysy aýdarylǵan. Alaida is júzinde selektsiialyq jumystar tek 18 bas asyl tuqymdy buqa jáne 450 bas analyq iri qara malǵa júrgizilip, zańsyz alynǵan sýbsidiia somasy 20 200 000 teńge bolǵan.
"Y" aýyl sharýashylyǵy óndiristik kooperativiniń tóraǵasy alaiaqtyq boiynsha kináli dep tanylyp, 4 jylǵa bas bostandyǵynan aiyryldy.
Zańsyz alynǵan qarajat tolyq kólemde óndirilip, memleket kirisine qaitaryldy.
