تۇركىستان وبلىسىندا زاڭسىزدىق اشكەرە بولدى، دەپ حابارلايدى Dalanews.kz.
ارىس اۋدانىنىڭ پروكۋراتۋراسى اگروونەركاسىپ سالاسىندا جۇرگىزگەن تەكسەرىس ناتيجەسىندە بيۋدجەت قاراجاتىن اسا ءىرى مولشەردە جىمقىرۋ دەرەگىن انىقتاعان.
"ى" اۋىل شارۋاشىلىعى وندىرىستىك كووپەراتيۆىنىڭ ءتوراعاسى 2021 جىلعى ساۋىردە اقپاراتتىق جۇيەگە كووپەراتيۆ اتىنا 2470 باس انالىق ءىرى قارا مالدى جالعا العانى تۋرالى جالعان مالىمەت، سونداي-اق، سەلەكسيالىق جۇمىستار جۇرگىزۋ ءۇشىن 120 باس اسىل تۇقىمدى بۇقانى جالعا العانى جونىندە اقپارات ەنگىزگەن.
مەملەكەتتەن كووپەراتيۆتىڭ بانكتەگى ەسەپشوتىنا 24 700 000 تەڭگە كولەمىندە سۋبسيديا قارجىسى اۋدارىلعان. الايدا ءىس جۇزىندە سەلەكسيالىق جۇمىستار تەك 18 باس اسىل تۇقىمدى بۇقا جانە 450 باس انالىق ءىرى قارا مالعا جۇرگىزىلىپ، زاڭسىز الىنعان سۋبسيديا سوماسى 20 200 000 تەڭگە بولعان.
"ى" اۋىل شارۋاشىلىعى وندىرىستىك كووپەراتيۆىنىڭ ءتوراعاسى الاياقتىق بويىنشا كىنالى دەپ تانىلىپ، 4 جىلعا باس بوستاندىعىنان ايىرىلدى.
زاڭسىز الىنعان قاراجات تولىق كولەمدە ءوندىرىلىپ، مەملەكەت كىرىسىنە قايتارىلدى.
