TJM sý tasqynyn joiý boiynsha esep berdi, dep habarlaidy Dalanews.kz.
QR TJM Tótenshe jaǵdailardyń aldyn alý komiteti tóraǵasynyń mindetin atqarýshy Áset Jylqaidarovtyń aitýynsha, búginde el boiynsha sý tasqyny qaýpi bar eldi mekender sany 1223 quraidy.
"Olardy qorǵaý úshin 576 shaqyrym qorǵanysh bógenderi men bilikteri turǵyzyldy. 822 shaqyrym drenaj júieleri, kanaldar men aryqtar jóndelip, salyndy. Avtomobil men temir jol qatynastarynda 960 sý ótkizý qurylysy ornatylyp, aýystyryldy. 74 ózenniń qaýipti ýchaskelerinde 500 shaqyrymǵa jýyq túbin tereńdetý, jaǵalaýdy nyǵaitý jáne arnalardy tazartý jumystary júrgizildi. Zardap shekkenderdi qabyldaýdyń 3,5 myńnan astam pýnkti daiyn. Bronnan shyǵarylǵan jaǵdaida, tirshilikti qamtamasyz etý quraldary men memlekettik materialdyq rezerv tehnikasy aiqyndalady", - dep túsindirdi TJM ókili.
Eske salaiyq, buǵan deiin Aqmola oblysynyń birneshe aýdanynda sý tasqyny qaýpi artyp otyr.
Osyǵan bailanysty Tótenshe jaǵdailar vitse-ministri Kegen Tursynbaev óńirdegi qaýipti ýchaskelerdi aralap, jaǵdaidy baǵalady.
Vedomstvo málimetinshe, sý tasqyny kezeńine daiyndyq aiasynda Kegen Tursynbaev elordalyq aglomeratsiia aýmaǵyndaǵy ahýaldy tekserdi. Jumys sapary barysynda ol Arshaly jáne Tselinograd aýdandaryndaǵy gidrotehnikalyq nysandardy qarap, yqtimal qaýiptiń aldyn alý sharalarymen tanysty.
"Sý tasqynyna qarsy is-sharalar barlyq qyzmetterdiń ýaqytyly ári úilesimdi jumysyn qajet etedi. Basty mindet – halyq pen infraqurylymǵa tónetin qaýip-qaterdi barynsha azaitý. Injenerlik qurylystardyń tasqynǵa tótep berýge ázirligi jáne jedel qyzmetterdiń shuǵyl áreket etýge daiyndyǵy asa mańyzdy. Biz jaǵdaidy turaqty baqylaýda ustap, qajet bolǵan jaǵdaida jedel sharalar qabyldaimyz", – dedi Kegen Tursynbaev.
Aita keteiik, buǵan deiin Tótenshe jaǵdailar ministri Shyńǵys Árinov kóktemde qai óńirlerde sý tasqyny bolýy múmkin ekenin aitqan bolatyn.
"Eger eldi mekender sanyn eskersek, birinshi orynda Batys Qazaqstan oblysy, odan keiin Qaraǵandy, Aqmola, Soltústik Qazaqstan jáne Shyǵys Qazaqstan oblystary tur", – dedi Árinov májilis kýlýarynda.
Aita keteiik,Qazaqstanda 1223 eldi meken sý basý qaýpi bar aimaqta ornalasqan.
Bul týraly Tótenshe jaǵdailar ministrliginiń baspasóz qyzmeti habarlaǵan bolatyn.
“Aimaqtarda aldyn alý jáne injenerlik jumystar júrgizilip, olardyń iske asyrylýyn TJM bólimsheleri qadaǵalaýda. Sý tasqynynyń aldyn alý sharalary respýblikalyq jáne óńirlik baǵdarlamalyq qujattar aiasynda júzege asyrylýda. Qazirgi tańda elimizde 1223 eldi meken sý basý qaýpi joǵary aimaqtarda ornalasqan”, – delingen dúisenbi kúni taratylǵan habarlamada.
Ministrliktiń málimetinshe, jalpy elimiz boiynsha 1400 sý tasqynyna qarsy is-shara júzege asyrylǵan.
