تجم سۋ تاسقىنىن جويۋ بويىنشا ەسەپ بەردى، دەپ حابارلايدى Dalanews.kz.
ق ر تجم توتەنشە جاعدايلاردىڭ الدىن الۋ كوميتەتى ءتوراعاسىنىڭ مىندەتىن اتقارۋشى اسەت جىلقايداروۆتىڭ ايتۋىنشا، بۇگىندە ەل بويىنشا سۋ تاسقىنى ءقاۋپى بار ەلدى مەكەندەر سانى 1223 قۇرايدى.
"ولاردى قورعاۋ ءۇشىن 576 شاقىرىم قورعانىش بوگەندەرى مەن بىلىكتەرى تۇرعىزىلدى. 822 شاقىرىم درەناج جۇيەلەرى، كانالدار مەن ارىقتار جوندەلىپ، سالىندى. اۆتوموبيل مەن تەمىر جول قاتىناستارىندا 960 سۋ وتكىزۋ قۇرىلىسى ورناتىلىپ، اۋىستىرىلدى. 74 وزەننىڭ ءقاۋىپتى ۋچاسكەلەرىندە 500 شاقىرىمعا جۋىق ءتۇبىن تەرەڭدەتۋ، جاعالاۋدى نىعايتۋ جانە ارنالاردى تازارتۋ جۇمىستارى جۇرگىزىلدى. زارداپ شەككەندەردى قابىلداۋدىڭ 3،5 مىڭنان استام پۋنكتى دايىن. بروننان شىعارىلعان جاعدايدا، تىرشىلىكتى قامتاماسىز ەتۋ قۇرالدارى مەن مەملەكەتتىك ماتەريالدىق رەزەرۆ تەحنيكاسى ايقىندالادى"، - دەپ ءتۇسىندىردى تجم وكىلى.
ەسكە سالايىق، بۇعان دەيىن اقمولا وبلىسىنىڭ بىرنەشە اۋدانىندا سۋ تاسقىنى ءقاۋپى ارتىپ وتىر.
وسىعان بايلانىستى توتەنشە جاعدايلار ۆيسە-مينيسترى كەگەن تۇرسىنبايەۆ وڭىردەگى ءقاۋىپتى ۋچاسكەلەردى ارالاپ، جاعدايدى باعالادى.
ۆەدومستۆو مالىمەتىنشە، سۋ تاسقىنى كەزەڭىنە دايىندىق اياسىندا كەگەن تۇرسىنبايەۆ ەلوردالىق اگلومەراسيا اۋماعىنداعى احۋالدى تەكسەردى. جۇمىس ساپارى بارىسىندا ول ارشالى جانە سەلينوگراد اۋداندارىنداعى گيدروتەحنيكالىق نىسانداردى قاراپ، ىقتيمال ءقاۋىپتىڭ الدىن الۋ شارالارىمەن تانىستى.
"سۋ تاسقىنىنا قارسى ءىس-شارالار بارلىق قىزمەتتەردىڭ ۋاقىتىلى ءارى ۇيلەسىمدى جۇمىسىن قاجەت ەتەدى. باستى مىندەت – حالىق پەن ينفراقۇرىلىمعا تونەتىن قاۋىپ-قاتەردى بارىنشا ازايتۋ. ينجەنەرلىك قۇرىلىستاردىڭ تاسقىنعا توتەپ بەرۋگە ازىرلىگى جانە جەدەل قىزمەتتەردىڭ شۇعىل ارەكەت ەتۋگە دايىندىعى اسا ماڭىزدى. ءبىز جاعدايدى تۇراقتى باقىلاۋدا ۇستاپ، قاجەت بولعان جاعدايدا جەدەل شارالار قابىلدايمىز"، – دەدى كەگەن تۇرسىنبايەۆ.
ايتا كەتەيىك، بۇعان دەيىن توتەنشە جاعدايلار ءمينيسترى شىڭعىس ءارىنوۆ كوكتەمدە قاي وڭىرلەردە سۋ تاسقىنى بولۋى مۇمكىن ەكەنىن ايتقان بولاتىن.
"ەگەر ەلدى مەكەندەر سانىن ەسكەرسەك، ءبىرىنشى ورىندا باتىس قازاقستان وبلىسى، ودان كەيىن قاراعاندى، اقمولا، سولتۇستىك قازاقستان جانە شىعىس قازاقستان وبلىستارى تۇر"، – دەدى ءارىنوۆ ءماجىلىس كۋلۋارىندا.
ايتا كەتەيىك،قازاقستاندا 1223 ەلدى مەكەن سۋ باسۋ ءقاۋپى بار ايماقتا ورنالاسقان.
بۇل تۋرالى توتەنشە جاعدايلار مينيسترلىگىنىڭ باسپا ءسوز قىزمەتى حابارلاعان بولاتىن.
“ايماقتاردا الدىن الۋ جانە ينجەنەرلىك جۇمىستار جۇرگىزىلىپ، ولاردىڭ ىسكە اسىرىلۋىن تجم بولىمشەلەرى قاداعالاۋدا. سۋ تاسقىنىنىڭ الدىن الۋ شارالارى رەسپۋبليكالىق جانە وڭىرلىك باعدارلامالىق قۇجاتتار اياسىندا جۇزەگە اسىرىلۋدا. قازىرگى تاڭدا ەلىمىزدە 1223 ەلدى مەكەن سۋ باسۋ ءقاۋپى جوعارى ايماقتاردا ورنالاسقان”، – دەلىنگەن دۇيسەنبى كۇنى تاراتىلعان حابارلامادا.
مينيسترلىكتىڭ مالىمەتىنشە، جالپى ەلىمىز بويىنشا 1400 سۋ تاسقىنىنا قارسى ءىس-شارا جۇزەگە اسىرىلعان.
