Standard&Poor's halyqaralyq reiting agenttigi Qazaqstannyń táýelsiz kredittik reitingin "BBB-/A-3" deńgeiinde rastady, boljam – "Turaqty". Bul týraly QR Ulttyq ekonomika ministrligi habarlady, dep jazady Dalanews.kz.
Elimizdiń reitingin qoldaityn negizgi faktorlar yqtimal syrtqy táýekelder úshin jetkilikti rezervterdi qamtamasyz etetin qýatty fiskaldyq jáne syrtqy balanstar bolyp qala beredi.
Agenttik sarapshylary elimizdiń ótimdi syrtqy aktivteri syrtqy boryshtan edáýir asyp túsedi dep boljap otyr.
S&P munai óndiriniń josparlanǵan ósimi jáne Teńiz munai ken ornyndaǵy qýattyń artýy ekonomikalyq ósimge oń áser etetinin atap ótti.
Basylymda Qazaqstannyń orta merzimdi fiskaldyq traektoriiasy fiskaldyq erejelerdiń saqtalýyna bailanysty bolatyndyǵy atap ótildi. Salyq bazasyn keńeitý jáne QR Ulttyq qorynan qosymsha transfertterdi shekteý biýdjet tapshylyǵyn azaitýǵa múmkindik beredi dep kútiledi.
Sondai-aq S&P Qazaqstannyń bank sektoryn geosaiasi jáne makroekonomikalyq táýekelderge turaqtylyǵyn atap ótti. Sarapshylardyń pikirinshe, ekinshi deńgeili bankterdiń kapital qory men turaqty ótimdiligi jetkilikti.
Buǵan deiin QNRDA qadaǵalap stress-testileý nátijeleri bank sektorynyń ornyqtylyǵyn rastaitynyn jetkizgen.
