Standard&Poor's حالىقارالىق رەيتينگ اگەنتتىگى قازاقستاننىڭ تاۋەلسىز كرەديتتىك رەيتينگىن "BBB-/ا-3" دەڭگەيىندە راستادى، بولجام – "تۇراقتى". بۇل تۋرالى ق ر ۇلتتىق ەكونوميكا مينيسترلىگى حابارلادى، دەپ جازادى Dalanews.kz.
ەلىمىزدىڭ رەيتينگىن قولدايتىن نەگىزگى فاكتورلار ىقتيمال سىرتقى تاۋەكەلدەر ءۇشىن جەتكىلىكتى رەزەرۆتەردى قامتاماسىز ەتەتىن قۋاتتى فيسكالدىق جانە سىرتقى بالانستار بولىپ قالا بەرەدى.
اگەنتتىك ساراپشىلارى ەلىمىزدىڭ ءوتىمدى سىرتقى اكتيۆتەرى سىرتقى بورىشتان ەداۋىر اسىپ تۇسەدى دەپ بولجاپ وتىر.
S&P مۇناي ءوندىرىنىڭ جوسپارلانعان ءوسىمى جانە تەڭىز مۇناي كەن ورنىنداعى قۋاتتىڭ ارتۋى ەكونوميكالىق وسىمگە وڭ اسەر ەتەتىنىن اتاپ ءوتتى.
باسىلىمدا قازاقستاننىڭ ورتا مەرزىمدى فيسكالدىق تراەكتورياسى فيسكالدىق ەرەجەلەردىڭ ساقتالۋىنا بايلانىستى بولاتىندىعى اتاپ ءوتىلدى. سالىق بازاسىن كەڭەيتۋ جانە ق ر ۇلتتىق قورىنان قوسىمشا ترانسفەرتتەردى شەكتەۋ بيۋدجەت تاپشىلىعىن ازايتۋعا مۇمكىندىك بەرەدى دەپ كۇتىلەدى.
سونداي-اق S&P قازاقستاننىڭ بانك سەكتورىن گەوساياسي جانە ماكروەكونوميكالىق تاۋەكەلدەرگە تۇراقتىلىعىن اتاپ ءوتتى. ساراپشىلاردىڭ پىكىرىنشە، ەكىنشى دەڭگەيلى بانكتەردىڭ كاپيتال قورى مەن تۇراقتى وتىمدىلىگى جەتكىلىكتى.
بۇعان دەيىن قنردا قاداعالاپ سترەسس-تەستىلەۋ ناتيجەلەرى بانك سەكتورىنىڭ ورنىقتىلىعىن راستايتىنىن جەتكىزگەن.
