Petropavlda qaladaǵy oqý oryndarynyń birine qarýly shabýyl jasalatyny jóninde jalǵan aqparat taratqan jasóspirim anyqtaldy, dep habarlaidy Dalanews.kz.
Oqýshy Telegram arna ashyp, "oblystyq mamandandyrylǵan mektep-internatqa shabýyl jasalady" degen mazmunda habarlama jariialaǵan.
Sonymen qatar, qaýiptiń aldyn alý úshin aqsha aýdarýdy talap etken. Aqparatty jariialaǵannan keiin ol bul habarlamany oqýshylarǵa messendjer arqyly taratyp jibergen.
"Kámeletke tolmaǵan jasóspirim 2024 jylǵa deiin osy bilim berý mekemesinde oqyǵan. Ol óz áreketin "ázildegim keldi" dep túsindirgen. Qazir tiisti tergeý amaldary júrgizilip jatyr", - dedi politsiia.
IIM ókilderi jalǵan terrorizm aktisi týraly habarlaǵany úshin qylmystyq jaýapkershilik kózdelgenin eskertti.
