پەتروپاۆلدا قالاداعى وقۋ ورىندارىنىڭ بىرىنە قارۋلى شابۋىل جاسالاتىنى جونىندە جالعان اقپارات تاراتقان ءجاسوسپىرىم انىقتالدى، دەپ حابارلايدى Dalanews.kz.
وقۋشى Telegram ارنا اشىپ، "وبلىستىق مامانداندىرىلعان مەكتەپ-ينتەرناتقا شابۋىل جاسالادى" دەگەن مازمۇندا حابارلاما جاريالاعان.
سونىمەن قاتار، ءقاۋىپتىڭ الدىن الۋ ءۇشىن اقشا اۋدارۋدى تالاپ ەتكەن. اقپاراتتى جاريالاعاننان كەيىن ول بۇل حابارلامانى وقۋشىلارعا مەسسەندجەر ارقىلى تاراتىپ جىبەرگەن.
"كامەلەتكە تولماعان ءجاسوسپىرىم 2024 جىلعا دەيىن وسى ءبىلىم بەرۋ مەكەمەسىندە وقىعان. ول ءوز ارەكەتىن "ازىلدەگىم كەلدى" دەپ تۇسىندىرگەن. ءقازىر ءتيىستى تەرگەۋ امالدارى جۇرگىزىلىپ جاتىر"، - دەدى پوليسيا.
ءىىم وكىلدەرى جالعان تەرروريزم اكتىسى تۋرالى حابارلاعانى ءۇشىن قىلمىستىق جاۋاپكەرشىلىك كوزدەلگەنىن ەسكەرتتى.
