Búgin óńir basshysy Ǵaýez Nurmuhambetovyń tóraǵalyǵymen oblystyq Qazaqstan halqy Assambleiasy keńesiniń keńeitilgen otyrysy ótti, - dep habarlaidy Dalanews.kz
Jiyn barysynda óńirlik Assambleianyń atqarǵan jumystarynyń qorytyndysy shyǵarylyp, Qazaqstan halqy Assambleiasynyń 30 jyldyǵyna arnalǵan is-sharalar jospary talqylandy.
"Óńirde mereitoilyq is-sharalardy joǵary deńgeide uiymdastyryp, mazmundyq jaǵyna kóp kóńil aýdarý qajet. Negizgi basymdyq – etnosaralyq dostyq pen kelisimdi nyǵaitatyn, qoǵamdy biriktiretin biregei institýt retindegi Assambleianyń rólin keńinen nasihattaýǵa berilmek. Oblysta barlyq etnomádeni birlestikterdiń qatysýymen 36 túrli formattaǵy is-shara ótkizý josparlanǵan", - dep atap ótti oblys ákimi.
Keńes otyrysynda etnomádeni birlestikter atynan oblystyq Assambleia tóraǵasynyń jańa qoǵamdyq orynbasary sailandy. Bul qyzmetti Rashbil Evdaev atqarady, ol Aleksei Hannyń ornyn basty.
Sonymen qatar, saltanatty marapattaý rásimi ótti. Memleket Basshysynyń Jarlyǵyna sáikes, el birligi men qoǵamdyq kelisimdi nyǵaitýǵa eleýli úles qosqan qoǵam ókilderi Qazaqstan halqy Assambleiasynyń 30 jyldyq mereitoiyna arnalǵan estelik medaldarmen marapattaldy.
