Soltústik Qazaqstan oblysy Aqqaıyń aýdanynyń Astrahanka aýylynda aýyr jaǵdaı boldy. 41 jastaǵy áıeldiń denesin qatty kúıik shalyp, ol aýyr hálde aýrýhanaǵa jetkizildi, dep habarlaıdy Dalanews.kz.
Aldyn ala málimetke sáıkes, oqıǵa 30 sáýirge qaraǵan túni bolǵan. Zardap shekken turǵyn aldymen aýdandyq aýrýhanaǵa jatqyzylǵan. Dárigerler onyń jaǵdaıyn turaqtandyrýǵa kúsh salyp jatyr, sondaı-aq ony Petropavldaǵy mamandandyrylǵan medısınalyq mekemege aýystyrý múmkindigi qarastyrylýda.
Oblystyq Polısıa departamenti bul derek boıynsha sotqa deıingi tergeý bastalǵanyn málimdedi. İs Qazaqstan Respýblıkasy Qylmystyq kodeksiniń 105-baby boıynsha tirkelgen.
Qazirgi ýaqytta quqyq qorǵaý organdary oqıǵanyń mán-jaıyn anyqtap jatyr. Jergilikti turǵyndar bul jaǵdaıǵa otbasylyq janjal sebep bolýy múmkin ekenin aıtady, alaıda bul aqparat resmı túrde rastalǵan joq.
